唉...今日同尋日係sports day , 好早起身呀,成5點幾(平時5點45)...信社又比其他社要早D返到喎....成7點要返到呀!! 天未光就出門啦..我又唔想咁早打比佢同我傾電話喎,搞到我返學o個時..鬼咁悶(費事佢冇精神返學啦)

依兩日叫到把聲都沙埋呀,我地信社D~ BREAK又少過人喎,有時重唔比,搞到個胃有小小痛呀...我同社監講,D社職唔訪break,之後佢地係老師面前放左一行(3個人一行)break..等老師走左就冇下聞,冇放其他..好彩我係第一行,唯一有break放~~衰格.....

不過信社攞''全場總冠軍''呀,沙聲都低!!但係比個『好人』~~~望社攞左''啦啦隊冠軍''呀,鳴鳴.......班際地1E得第3 渣,不過 ''勝不驕；敗不餒，信社精神在這裡!''YEAH~~~

   今晚我以前既師妹打比我,講番小學D野比我知,佢地JAZZ原來今日星期六係沙田市中心表演喎,唔知隻靚唔靚呢.. 重有呀,我間小學依家衰到係保良局既陸運會(幾間保良局小學一齊搞)得一個銅牌渣,唉...上年我間小學係o個度攞''全場總冠軍''咖,依家冇左我地班優異學生真係....不濟..有D掛住小學呀,可惜冇時間啦~

    咁快就到12月啦...好開心呀!!最鍾意聖誕節咖啦...雖然好凍 , 但係周圍有一種好溫暖既感覺 , 好期待...唔知今年f 1 既聖誕係點呢,哈

  今日幾好呀,返學唔駛換pe杉...著住返學~~英文DICT得69分....好低又好抵死,因為我冇溫書!!今日lunch 我地打排球o個時,成班男仔又左曬,之後許匡俊佢係我前而左著曬..我就『一腳車左落佢個「law柚」度』,之後佢大叫,就衝埋張石椅o個度..冇幾耐佢除左眼鏡,對眼有D眼水之後變到勁兇想打我咁..佢衝過黎,我就追...我衝左入女更衣室,佢唔敢入黎....

  上到課室,許匡俊話我踢親左,叫我比醫藥費,話一陣去照X光...話照到有野我就死..我話佢KIN 子,佢冇聲出..之後馮淦喬又前我之前踢到佢條野,話依家腐爛...畢浩彥就話我踢到佢''屎眼'',佢   冇屎屙..我就大鎬.......     成班都

  放學O個時,我,ELISE,雯雯,呂健霖,蔡樂彤,畢浩彥,呂冠東,陳熀業打排球...幾好玩又幾好笑,玩到5:45PM比校工趕走,之前玩D人5:45PM前都走左好多LU,出學校之後畢浩彥請 剩番d人食雪糕

  返到屋企發覺原來我係學校做左好多功課,返到屋企做15分鐘我搞掂...YEAH !!

  今日好多功課呀,搞到放學D人話返屋企做功課,冇人肯我打排球....連雯雯都係,鳴鳴

  今日本身我可以係reading堂做功課既,點知個『x街』黃文典 ,佢好大聲咁問mr wong  ''reading堂做得功課咖咩'',哄住ms wong問邊個,佢即為指住我喎!!之後我『x交叉y』佢,佢又勁大聲同mr wong講話有人講粗口罵佢,佢一路講一路望住我,我就話''我冇呀''之後D人就話我學左許匡俊(冇人話自己 ,自己答)! 我好好好嬲呀!

之後IPC堂,放break,我去飲水點知又見到o個個死人黃文典,我就話佢賤格..(o個時我用水洗眼鏡),點知陳SIR(教聖經o個個)..佢聽到我講佢賤格,就問我做咩話佢賤格,我就話冇野..個阿sir問左4,5次喇......總之黃文典好『x街』喇!!!

  今日放學同阿媽講話今個星期五,我同人行街晏d番..佢就突然罵我''搞錯,成日都去行街''又e又路....之後我CUT我線喇,我睇番日曆先知,原來O個日係佢生日唔怪得咁嬲啦,之後即刻推左人話唔去,唉~~我越黎越冇記性..玩到di 曬

  今日math  text好易呀,應該唔會肥既,哈...今日打排球o個時諗起佢,跟住就發夢....然後D波就車過黎,個膊好痛!最衰今日雯雯長跑囉..冇得一齊玩

  今日普通話老師話有D同學成日將''燒雞腿''同''燒雞翅膀''撈亂,跟住某某人望住我奸笑....雖然我係o個D撈亂左既同學,但係唔使笑得咁衰呀....  今日我本英文comp得55分渣,好唔据呀,IS堂又好悶..雯雯係IS堂先返黎,有好好多野想同佢講呀,依排食左好多朱古力..真係唔開心,見到某兩人,心兒點唔舒服.....今日放學係馬鐵見到我以前個六年級個師兄,我認得佢,點知佢又認得我同我say hi,我覺得佢比之前又靚仔左,哈

  今日好開心呀,雖然英文dict好難..miss fu冇返,math又冇咩功課喎...

  英文堂又同subrain嘈方力申定黃宗澤靚仔D,跟住佢同我係washroom,佢攞水整到我成頭濕曬,好彩冇事渣...係reading堂,馮淦喬咩話比5蚊許匡俊叫佢扮狗叫,跟住佢真係扮狗,又扮貓,又扮雞....佢都低低地,我''串''佢,佢罵我''做咩成日都話我喎,前世同你有仇咩''

  放學o個時,我雯雯同elise去打排球..點知見有某兩個同學行過就同佢地一齊打,點先越打越多人,我重比個波打到6,7次呀,比人打中臉有4,5次,背隻1次,頭1次,痛到死...玩到5點幾時就走lu,但係重想玩..不過D人都走得七七八八