今日真系好累....

心力交瘁...

尋晚叫左區偉杰同埋黎玉財黎我屋企溫習......區偉杰都好d,都真系溫,不過黎玉財自一到步後

訓左落我張床就無起到身......結果我地既溫習之旅去到今朝5點...我先開始訓左一陣.

差d唔想起身,到左今朝返學,成個人都好似軟手軟腳.上完體育上數學......尋晚個死靚妹都唔會做數學架啦...

比左張卷佢溫,叫佢有咩唔識就問我,點知......佢話全部都唔識,我差d想嘔電,我唔系唔想教,但系你搬到呢種理由出黎,我真系教唔到.

唔識又唔比心機去學又唔去溫習....會識就奇啦.對佢既測驗,都無諗過會有幾好,但求幫到幾多就幫幾多嫁咋.......

總括今日狀況: 死左半條命

今日....真系慘....出門口戈陣醒起今日升旗...要點名....落到樓下我先醒起= =跟住返去搵張點名紙....搵ar搵ar....好彩都唔系搵左好耐(紙張物品迷失率高達99.9%)

返到學校見到黃錦華....原來我都系早左少少去到...同佢放低d書吹下水...食左半個三文治就開始升旗,仲有一半我系升完旗先上去食== 陰公....仲要無ar姨開門.

成個上午都超眼訓= =要問點解....(因為有個姓梁傻佬由8點打幻想三國誌4打到今朝6點)

電腦堂.....依舊我故我自在咁玩信長~.~不過玩緊戈陣都好眼訓-口-

下午返學....個校長話要默哀3分鐘....我操...點止3分鐘....半堂都無左....仲要淋仲d小雨點默哀....我戈陣覺得四川既同胞應該為我地默哀返= =

體育堂打排球...超正....玩到成身大汗!

放學...落大雨wo...唔通連個天都唔中意我!!!?

我見d人走晒...得返個別人系度....我咪叫雞丁小朋友遮我去巴士站....落到下面...見到joana同埋個死靚妹系淋雨過去....我就同丁邱講叫佢去遮佢地算...唔洗遮我,話晒都有d紳士風度...見到女仔淋雨又真系唔忍心... 點知個死靚妹後尾仲整濕我條褲!!搞到我一返屋企就沖涼=b="

岩岩靜思左一陣,其實梁雯靜對我系咪咁重要?我應該唔系仲中意佢....系又好似好珍惜同佢既關系...不過我諗諗下都無諗lu....到暑假見到佢先算....然後就系一面食住煙一面打blog. =)

今日原本同平時無咩分別..不過下午就系去睇唔知咩話劇...中午返左屋企食飯..飯飽左訓返陣...shit...原來1點9集合...

  嚇到我系屋企跑返去..跑到返去學校1點9個字多少少...我以為自己己經好遲架啦...原來仲有成半班人未集合..lucky!

點名戈陣..有d女仔又唔知去左邊...搞到我又周圍跑去搵佢地,最後居然又自己出返黎..白跑一趟....費力氣啦!

見到我跑到出晒汗...居然無個女仔比張紙巾我...證明我地班既女仔細心程度的高低.....

 去到現場...見到葉瑞威做人像...笑左...

不過今日個話劇真系幾好睇...雖然美中不足系有d on9仔系後面亂講野...

見到個死靚妹鄉姑有d凍..諗住比件冷衫佢...點知我自己又無=口=,唔通叫奴財佢除出黎比佢~.~(呢方面要提一提肥甘,多得佢d脂肪)

返黎戈陣玩左扑頭黨...亞美跌!!!見到黃錦華比人圍嘔...我見到都覺得亞美跌...

總括今日既開心指數: 80

呢幾日無打日記..因為部新機到步lu....呢兩日同佢裝返d software,忙死~.~

尋晚訓教好似凍親..今日成日都好累...支力太多......

就黎考試..搞到有d緊張...好似孕婦產前抑鬱咁....

睇黎我要打多d機輕鬆下^.^

今日真系happy...今日我個衰妹生日,哈哈,567月我地三姐兄妹玩晒,5月我妹生日,6月到家姐,7月到我,呵呵

今日中午奴才打電話比我叫我去天堂打機,正好悶悶地,去左一陣囉...打到咁上下,返左去我妹個生日party.

點q知....傻仔杰又打電話比我叫我去天堂打機...party開左一半我又去左天堂打機,不過今次玩信長輸左(心不在焉)

打完之後我地各地各路啦,我同奴才去睇LCD mon,正呀,買左個SAMSUNG 22吋"LCD mon,超正8000:1解像度.

呵呵,打機一流呢,跟住我就等緊星期二攞部新主機.完美啦,我可以系間房自閉打機睇小說睇漫畫.人生至此,夫復何求!?

不過講起我家姐,我真系好掛住佢...唔知佢系台灣過成點,6月22佢生日我一定要去同佢一齊過...

我要升級!(MAY GOD BLESS ME!)