26/7 琴晚同亞包傾左陣電話..同佢講我食物中毒..佢係咁笑..不過我都覺得幾好笑既..哈..之後同佢傾完..我就訓啦...有有個不明來電...我成日一訓覺都有人打比我..仲要我第二朝係會唔記得我同佢傾過電話..同埋傾過d咩ga囉...哈..有d低b呀我覺得自己..如果下次你地十一點過後打比我呢...我就應該訓左ga喇..不過我都仲會聽電話..不過我好肯定一樣野係..我唔會記得自己同你地傾過電話..所以如果你地真係同我傾過電話..第二日要同我講你地同我傾過d咩..可能仲會有好依稀既印象既....今日一起身見到不明來電..我諗到頭爆都唔知邊個打比我囉...之後到差唔多夜晚七點我先知係邊個打比我..哈..我問番佢同我講d咩...佢話我訓到乜哂喇..咩都唔知..只係唔唔唔...哈哈...之後好悶呀...過左大半日啦..之後個個亞姨都叫我幫佢去買下野呀..交下電話費呀果d..首先我去左銀行入錢..之後就去左書局買野..之後就番左shop啦..點知一番到去..另外一個亞姨又叫我幫佢去交電話費..之後去完又帶左兩個小朋友去m記..之後番左shop..我等左媽媽一陣就走lu..呢兩日都冇乜出聲..因為我唔止喉嚨麻痺..連個咀唇都麻痺左...之後我就走左去sleep..果陣只係六點幾...我一路訓一路訓..食飯都唔食...訓到乜都唔理...
27/7-28/7 我訓到今朝五點先起身..一起身覺得好肚餓..哈.之後就去左沖涼啦..沖完涼就同媽媽去左番工啦..過左大半日..食完飯洗完碗..我就過左亞婆屋企..因為我係shop真係好悶..而且亞婆又番左大陸..所以就冇人..之後我過左去啦..雖然都係好悶..不過起碼唔洗做野先啦..之後六點左右媽媽就過左黎..之後我同佢就食野果d啦..之後亞包打黎問我去左睇e生未..之後我話未..之後佢係咁話我..話我傻撚左..哈..之後我就係度笑..佢成日係度話我食左果d係四川豬整既"差"燒...哈哈...之後傾完我就去左洗頭..之後再叫媽媽幫我抹鞋..之後我暮番對鞋啦..個phone就ring喇..我就去聽啦..點知一起身就pk........好痛呀..同媽媽係咁笑...之後我就出左去等亞江喇..叫左佢地十點去到neway..點知得我同亞江去到..佢地差唔多十一二點先到..之後冇理呀..係咁唱囉..之後佢地黎到就煩lu..一黎到就食xx..之後係咁係度笑..冇野好笑佢都係度笑..見到佢係咁笑...鬼妹又笑..哈哈...好好笑呀真係..佢地d樣呀...之後又係咁飲酒果d..之後玩到兩點幾..好肚餓..同亞江..鬼妹..蕃薯去左食野..之後上番去佢地又食緊野..不過好在果餐唔洗我比錢ja..之後亞雞同一個叫魚蛋既人係咁嘔..嘔左大半筒野出黎囉..(嘔係d啤酒筒入面)..之後都冇野既...因為佢地次次都係咁..之後同亞江同埋佢d fd係咁玩...成日輸囉...個魚蛋太快..同佢玩就輸..同鬼妹蕃薯玩..就win..亞江又係咁飲..我都飲左d啦..琴晚狀態唔好..所以冇亂黎..亞江飲到想嘔..之後四點幾五點就開始冇玩..又坐低哂唱下k咁..之後五點九點走..去左shop搵媽媽...之後我六點半先番屋企..之後七點番到..乜都唔理..訓..好眼訓..唔係好眼訓既..好累囉..之後訓到十二點又起左身喇..之後就沖涼玩電腦..今晚又得我自己一個過喇..媽媽生日同岩音番大陸玩..妹妹就一起身已經去搵longlong..
| 
