咁樣呃人法　呃我唔緊要
點解你唔可以say sorry認你既錯呢
今日我比你呃左
你仲要唔認　cut我線
你仲係人唔係呀
知道你係一直我要搵既人
但係你唔認之餘
呃我之餘　你認左佢呀
比人講句”你唔好再呃我啦”
好難受咩？！　比人呃o個個先難受呀
咁你點解仲要話我　cut我線
要做e d野既人應該係我
唔係你　你知唔知你cut我線我有幾難受
難受到唔可以再控制淚線
係　我唔怕話比大家一路打緊e個post
我係一路喊緊　我唔知你仲有幾多個身份呃緊我
我淨係知道個心好痛好痛
你真係咁中意呃人咩
咁點解要係我？　點解比你既唔係其他人
就係我特別比人呃完　你會覺得更加開心
話我知究竟你點解會變成咁
係我唔了解你定係你真係變左
過左今日你可能又會好似以前咁
唔會再係冰國出現
我亦都會好似一年前咁
等你再出現　再比你呃多我一次
翔翼爾雖然係模仿你
不過無論如何翔翼爾
都係一個女仔　唔係你
你可以一笑至之
不過我唔可以
認錯真係一件比死更難既事麼
話我知．．．．．．

我是一個很蠢的人，不懂女仔的心境，也不懂去"tum"女仔開心。所以我很少會去溝女呢（因為大多都給我悶死了），我更加唔知道，和我一起的女仔是否很悶，因為我根本唔了解女仔呢。但我是很專一的，我敢擔保，因為我從小見到很多不專一的後果，往往都是不愉快的，所以我絕不會一腳踏兩船唷。我也是一隻膽小鬼，鐘意女仔從來很少出口，所以我細個時，是長期處於暗戀別人的階段的人呢。正因為咁，我會有很多時間去想，究竟我鐘意的人係咪真係o岩自己呢？我是一位好怕唔見野既人，一但擁有然後失去，我會很痛心的，為左唔好令自己唔開心，我會好好小心去搵女朋友（但是永遠沒人搵我的唷∼∼）我最希望的是一次相逢就成永遠。但恐怕我已經無可能做到了......

我覺得，不鐘意便不要一起了，一起就代表鐘意了。鐘意，就要珍惜。珍惜，就不要隨便。隨便，不如不愛。我交出了真心一棵，就沒會想過要收回，要走，最好把它也帶走。我可以付出，但不可被迫地付出。付出的當然希望有回報，沒有回報，也不希望換來傷心。付出，是心甘的。傷心，是被迫的。我從來冇諗過要"飛"人，我能同一個人一齊，就預左同佢一生一世。但我知道，這些全部都是我一廂情願既諗法。唔知係我老土，定而家D人係咁，我覺得一生只愛一個既諗法，唔可能係現實生活出現呢。但我同細佬學仔一樣奇怪，成日諗要鐘意邊個唔會好煩咩？我就覺得了。

花心，誰不會？我覺得人一定要乜都最好。我見到靚女，都會諗下做到佢男朋友係幾咁好呢。但想深一層，佢會唔會對我好？佢會唔會一個月就唔再一齊？如果會的話，就算那個是林心如、蔡依琳，我都不會和她一起了。我真的再抵受不了那種感覺了。我可以說，呢D係一種永遠不好的傷口，至少對於我來講。在ＩＣＱ上，有一位小妮子講了很多佢自己對愛情既觀感出來，她給了我四個大字–寧缺勿濫–。但我覺得，對於愛情唔認真的人來講，以上所講的全是廢話。

失戀？

我曾經有一段感情。一段令我改變的感情。唔知幾時，我已經迷上了這段感情。一朝早起身，想起的是她。訓覺前講聲good night的又是她。好女仔，是難搵的，對於我來講，尤其難得，頂得住我咁悶的人，我想沒有幾個。而且我總是覺得我地好有緣呢，咁都可以認識到佢......唔好問我點識佢，佢唔會比我講，我亦尊重佢，唔會講我地係點識......一起的時間，是開心的。不是一起的時間，是掛心的。以乎好像我心目中的理想–不用說話，就已經心照了–。以乎。唔知係我記性差，定係根本無真真正正快樂過，我所記得的快樂事，好似已經無乜啦。又唔知幾時，呢一段感情已變成單向的。

誰不想女朋友開開心心？可能我真是蠢透了。連呢Ｄ咁容易既野都唔識。我曾經說過，我可能唔係最好既男朋友，我亦都唔識去做人男朋友。我有既，就得個心。可能單單一個心，係唔夠掛。

有邊個唔想比人錫？我可能沒做出來，但心裡係點諗，有邊個會知？我無諗過可以有人咁錫我，真既，我好細個已經成日一個人，未試過兩個人成日一齊。我就好珍惜呢Ｄ時間啦。我最想知既係，究竟用心去錫重要Ｄ，定用表面行動重要Ｄ？如果答案是用表面的話，那我乾脆買一大堆禮物好了。

到了今日，我還是痴痴的去諗，係咪痴痴咁去等，某一日一定可以等到一生中最愛呢？我就真係想不通了。最近收到一個icq message，內容是

感情的傷 真的能靠時間就好
如果愛過的人真的忘的掉 相愛的回憶真的拋的了
那世上的痴心男女不知少了多少
就是因為忘不了 才會有人傷一生
就是因為拋不掉 才會有人痛一世
愛情的魔力 你我都感受過 你我也忘不了
時間或許是治瘉傷口的良藥 但對愛情不一定有效
經歷過的人都知道 想要忘不是件易事
就好像烙印一樣 一輩子也揮不去
愛情的印是烙在心裡 痛入骨裡

是假的？但對我來講這是真的。這個月來，日日都想著同一種野，而家都係咁。呢一段感情，其實只有一半變左。

我等的只是，一個錫我又關心我的人。無奈的是，我已經無信心再去試。我玩唔起。

回憶？

我回想起，我做的真是太少。我以前想極都想不通買什麼送給女朋友是最好的。以我自己對她的了解，買一樣東西令她喜歡是很難的，但我完全理解錯誤了。到了今日，我的朋友們才告訴我，原來所有的女仔都喜歡公仔和花，她們說不要是口是心非。我後悔了，我後悔點解我唔了解佢多Ｄ。原來是我自己一直地誤解，導致我有今日如此田地。而我頓時發覺，我真的唔了解佢。而我覺得，她係了解我的，真係？回憶真係太少啦，好似乜都無發生過咁。可能今日係我自己一手造成既......

我得到了最痛，也得到了最樂。痛也好，樂也好，我想我一生都不會忘記，我一生裡，曾經有一個人，咁全心全意去錫我，而呢段感情，我肯定亦會係我一生中最喜歡既一段感情，一段令我死心塌地既感情。我想講的是，我同妳最後一次一齊坐電車去食大家樂果晚，我一生都唔會忘記，一世都唔會忘記，妳比過我所有既一切，我果晚真係好感動。

以前有人同我講，鐘意一個人並不一定要擁有，只是她開心就得。我以前覺得肯定唔會咁偉大去咁做。但我而家知道，當一切已成定局，我可以做的，只有呢Ｄ–希望她生活快樂，而不是我有偉大的愛。而家諗起，仲好似係琴日發生既事。我已經做左好多野去挽救，可能係唔夠的，但我已經盡左力。但妳又知唔知，放棄比想念，是更難去繼續既呢？我已經無力再行落去，唯有坐係路邊，休息一下，等到一日，我再有信心同氣力去行這條路，然後才去想，到底要左轉定右轉....轉彎定直行啦。現在可以做的，就只有停在路中心....