今日係好難忘o既日子,除左見到蚊蚊「最後一面」之外,仲有我認為應該會合格o既作文卷竟然唔合格。雖然Miss俾左D好o既評語我,但係我笑都冇笑過,反而著緊起D唔好o既評語度。唔知點解,總係覺得o個D好o既評語只係一D甜言蜜語,只係想你衰得冇咁徹徹底底而已。起返屋企途中,我不斷問自己:「我係咪一個好冇用o既人~???」返到屋企,我終於搵到答案...見到金魚冇on MSN,冇覆我個blog,就知道佢9成出左去。連朋友去玩都唔叫你,考試又唔合格o既人,仲有冇資格話自己有用~???

  岩岩睇到蚊蚊個blog,發覺原來佢唔鍾意我,我終於明白到自己一廂情願係冇用o既...除左喊,我諗唔到第二個方法壓抑住自己o既情緒,但係「男人大丈夫,流血不流淚」試問我仲有邊個人可以依靠...金魚~???睇黎除左佢,我再冇第二個合適o既人可以依靠,但係佢可唔可以駕馭到呢D問題~???天呀,唔通呢個就係我o既結局~???一個「玩女」o既靚仔可以受人歡迎,點解一個「想一生守護住女神」o既一個醜八怪連一個可依靠o既人都冇~???依家,我只能夠以Gloomy Sunday黎表達我依家o既心情...