(琴日成12點先返到屋企,所以今日先至補番)琴日上奏...都冇咩野發生,唔講la...

  收工o個陣起厚德商場出面見到金哥,嘉豪佢地。不過最surprise o既就係見到廖廖同埋賢順都去打波...(平時通常都係金哥o個班去打波,但係今日好齊人...)跟住就去左打波。個天都唔知做咩,我仲未換衫o個陣就好好天,仲出太陽tim...但係落左黎之後就落雨。最令我費解o既係出藍天,有太陽o既同時,竟然落雨...(估佢唔到...   =.=)

  打左一個鐘頭之後就去左銅鑼灣食野,開頭以為去食韓國燒烤,但係原來係去到先至去搵...搵左成個鐘,最後淨係去左打邊爐。o個度有幾多野食俾我地叫...(好似...每間都差唔多炸wo...  =.=)我都好健康嫁   =.=,食左好多菜,未試過食咁多菜lo...不過都食左好多肉...(即係冇講過野...   ~.~)

  跟住去左行街,買左兩件衫。以前我會禁諗:「衫只不過著俾人睇,只要自己滿意就得,唔使理人點樣睇你。」但係依家覺得呢句野有D唔岩,應該係:「既然人生開心又係咁過,唔開心又係咁過,點解我唔可以將呢張「白紙」變成一張充滿色彩,不帶半點遺憾o既「紙」呢~???」