今日個天氣真係...好變幻無常,當我想落去o既時候佢偏偏要落雨,當我唔想落o個陣就偏偏出太陽...唔通呢D就係我愛情中o既影射~???

  仲有野想講,但係我有D野好想shed。今晚係我最難忘o既一晚,有3個人add我,2段唔同o既愛情,1條人命,但係不約而同地,呢D都係同「愛情」有關。有時我都不禁反問自己:「究竟愛情係咩黎~???」佢可以light up一個人o既人生,但係佢又可以令一個人從天堂趺到落去地獄,甚至走上一條不歸之路。

  仲記得陳百強有好幾首歌係講「情」,例如「全為你泛起了漣漪,歡笑全為你起」,「愛已是負累,相愛似受罪」等等。最後陳百強咪又係為左「情」而付上一生~??? 有時我想問為愛情而傷害自己,甚至付上一生o既人:「點解唔可以等個天黎決定~???點解愛情一定要自己爭取~???點解你地要自殘身體~???點解唔可以「留下歡欣的印記」,而要留下愛情所帶來的「烙印」~???」