今日好熱,係今年o既最高溫度,將軍澳有成35度...推左兩箱野食去將軍澳體育館,超熱...   =.=    不過都好好彩,推完就由第一期行返舖頭,有得嘆冷氣~~~(一入去o個下,爽呀~~~)

  放左工落左去踢波,但係淨係落左去兩個鐘都唔夠就返番上去,都冇人落去踢波...(超悶...) 不過起下面坐緊o個陣見到如花,佢真係好靚,超白...可惜,佢係食煙o既,而且仲有男朋友tim...如果我早半個月識得佢o既話,我深信我鍾意o個個唔會係呀潼,而係佢lo...仲有,唔知幾時先知道佢個名呢~???

  夜晚起百佳撞到琪琪(同班同學),佢依家做緊收銀員。我有D感慨:「一個全班第一o既人都起百佳做,仲以為佢地會為自己升上中6o個前途黎去預備tim...」

  岩岩同如花傾計,我發現佢同埋呀潼係互通o既,我講左俾如花知但係呀潼竟然會知道lo...我依家有好大o既疑惑,究竟我仲同唔同佢地傾計好~???我知道一定唔會討好哂兩個人,咁依家應該要討好邊個好~???一個對我好好,又靚女o既人~???定係一個我以前曾經鍾意過,但係依家冇感覺o既人~???