今日好唔開心,落去踢波卻為左o個種「模式」而煩惱:「究竟我落黎係為左D乜~???」有時連我自己都答唔到,見到自己起樓下行黎行去,無所事事咁,就會覺得自己好冇用。「其他中5o既同學都不停咁起度返工,點解我就起度...仲要係同班細過我最少6年o既起度玩~???幼唔幼稚D呀~???」最後都係返左屋企。樓下冇人,自己又冇目標o既生活實在係忍受唔到,或者我o既童年就係咁樣完結la...

  今晚有D煩,要為如花個問題認真咁諗諗。我係咪應該勇敢咁問可唔可以溝佢,定係做住朋友先呢,我始終都係分唔清「有好感」同埋「鍾意」呢兩個名詞。我明明唔想再接受「愛情」呢樣野,但點解偏偏再次黎我身上~???  不過再諗深一層,我除左個樣輸俾人之外,我仲有D咩係輸俾人~???呢個亦都係我比較自豪o既地方,但係...依家邊有人睇到呢D野ar,個個咪又係睇個樣...

  「你如果真係同佢一齊,,唔該你尊一d」。我諗我都係時候收斂一下,尊一咁對如花。雖然我知道都係會失敗,但係總比冇付出過好,所以要用番以前咁專一o既態度去對每一個人,呢個希望唔會係我人生中行得最錯o既一步la...