今日好唔開心,點解要搞到同如花咁樣...明明一開始係好開心嫁,大家仲互相鬥"Hi",但係自從呀兒話如花起msn度封鎖左我o既時候,我個心變左la,估唔到原來我係咁乞大家憎o既...我依家一諗起佢,就會諗起佢同埋佢o既男朋友一齊咀o個刻,心酸同埋自責感亦隨之而黎。

  起琴晚,我終於都忍唔住喊左出黎,不停起度諗自己係好冇用。望住部冷氣機,就諗起佢有為人類帶黎清涼o既用途,但係一諗起自己,就覺得自己一D用都冇,讀書唔係叻,運動又唔係勁...帶出o既另一個問題係「我生存仲有咩意思~???」諗到呢度,我個心又再一次受到創傷。依家金魚唔起到,有邊個可以幫到我~???上一次我起呢度受傷過,需要兩個人幫先可以成功企返起身;今次又起呢度跌倒,但係今次又要連累幾多個人呢...

  今日見到如花,我覺得好尷尬,因為自從琴日表白失敗之後,我已經唔知點面對佢,更加唔知佢點睇我。係朋友~???定係一個失敗o既廢柴~???呢個我唔知,亦都唔想知。不過點解佢知道我同佢係冇可能o既時候,佢仲要對我咁好~???我好痛苦,明明冇可能都要俾人一種錯覺係我追到人咁,我最唔想有呢種感覺,好似起度玩人咁,咁又何必呢...

  依家雖然如花肯繼續同我做朋友,但係我覺得做與唔做已經冇意思la。做左,只係起心靈上得到慰藉,成日覺得自己仲有機會,甚至覺得自己擁有左佢,但係最多都只係朋友o既關係;唔做,受傷會比做o既深好多,而且會少左一班朋友,但係一定會企得返起身,唔會再有任何o既非份之想,咁樣對自己,對人地都有好處。可能我o既選擇會令唔少人失望,但係唔想令人再多一個負累同埋減低自己o既自責感,我諗都係唔再同如花做朋友會比較好D。除此之外,我覺得自己駕馭唔到「愛情」,而我以前到依家所鍾意o既人大部份都唔知「愛情」係乜o既時候,我決定唔會再鍾意任何人,呢個會係我最無憾o既一個決定...