今日好辛苦,成日都頭暈暈咁,最後搞到連波都冇得踢,淨係起屋企坐...

  諗番起琴日所打D野,我依家開始後悔。點解唔可以冰釋前嫌,同佢做番朋友~???雖然大家見面o既時間一定唔會比之前咁長,而且一定會少少尷尬,但總比冇朋友做黎得實際。不過唔知如花會點睇:失敗者~???普通o既一個人~???  既然佢都話會原諒我,點解我仲要介懷佢有仔,食煙,同埋識得好多飛仔呢~???「其實每一個人都總會有缺憾,點解仲要介懷人地o既缺點,而唔係檢討自己o既缺點~???」呢樣唔係仲更加可恥咩~???講到呢到,我覺得自己好可恥,自己不斷起度係咁挑剔人地o既不是,而冇反省自己o既短處,唔通自己冇短處咩~???

  起呢度,我好想同番如花做番朋友,但係「朋友」呢一詞會唔會只流於表面,而唔係真係起我同如花o既心裡面呢~???