今日上奏冇心情,琴晚係咁睇「14歲母親」,令我不斷諗起志田未來o既出生地--神奈川。我諗住將來一定會移民去神奈川,o個度又輕鬆,可以完全地重新再開始過,我仲諗住如果升到中六o既話就會學埋日文。將來同埋老婆,個仔起間屬於自己o既屋度行出黎,一行出個馬路就見到條馬路慢慢咁斜落去,下面就係個海黎,真係好想日日都係咁呀~~~但係一諗起可能要用超過100萬,而且語言方面唔岩...所以都係留番將來去諗la。但係香港D生活節奏太快la,我好快就會忍唔住,就黎爆出黎la...

  落到去打波,見到呀兒對我o既態度大改變,由以前o既成日同我傾計變成下下都針對住我(同埋如花),可能係因為琴日我打o既o個少少自己對o個件事o既睇法la...但係我最想鬧o既野都仲未講出黎。點解你地下下都賴哂落我度o者~???一同你地講我o既睇法,你地就咁o既反應,你地究竟明唔明白「愛情」係D咩黎嫁~???口口聲聲話我地係朋友,一講起D你地唔鍾意聽o既野就連朋友都冇得做,呢D就係叫做「朋友」咩~???就算依家有得做番朋友我都唔稀罕呀,做唔做都罷la...

  聽日就係出糧o既大日子la,但係與此同時距離會考放榜o既日子仲淨番7日,我將來o既前途究竟會點~???金哥,金魚佢地仲會唔會當我係最好o既朋友呢~???我又會有幾多錯折~???將會起7日之後知得一清二楚la...「將來的路要什樣走,我自己都不知道。但是我明白了一件事情,我來到這個世界上,像這樣自由的呼吸,自由的奔跑,真是個奇蹟。雨點一粒一粒的飄落下來,還有身邊的一棵棵榭隨風擺動。看到這些,不禁讓我覺得來到這個世上是多麼美好的一件事情。」(「14歲母親」,第3話)