今日距離會考仲有2日,2日之後就會決定我o既前途,心裡面有一種無底o既恐懼。畢竟都係第一次參加會考呢D咁大型o既考試,有恐懼都係可以理解,但係壓力同埋恐懼似乎已經超過左我所能承受o既限度。我可以向邊個講~???金魚,金哥佢地就一定唔使諗嫁la,會考唔會有佢地份;同番自己班o既,又唔係好熟...我可以同邊個講~???

  落去打打下波o既時候,突然之間好大雨,冇辦法之下要返番屋企。起落大雨之前同左教練,一個師奶,同埋一個師姐打波。個師姐打波唔錯嫁,最少都勁過我先la...   個樣就睇唔清楚la(其實我係特登唔望佢,唔想再色心起...   =.=)

  夜晚,我開始傻到走去搵楊美玲o既xanga,雖然係大海撈針,而且唔知佢有冇打blog,但係我好想知道佢心裡面究竟諗咩,例如鍾意邊個o個D之類...將來都唔知可唔可以以同學身份再一齊,定係只係起樓下見o個得個一兩面~???睇黎都係好似嘉慧咁嫁la,算la...