今日係我最...咩o既一日,我第一個去到個場地,去到雖然好緊張,但係都大約知道"law"到9~10分,所以都不斷睇升中6 o既指南。見到我地o既「電腦神童」"law"到10分,開心到彈起,我開始feel到成功o既曙光。我一睇到我o既成績,我呆左好幾分鐘,估唔到我會"law"到咁o既成績。連一個成日都溝女仔,又冇心聽書o既人都可以"law"到5分,我偏偏連咁o既分數"law"唔到,係咪我連咁都不如~???我辛辛苦苦讀左五年書,竟然得o個幾分~???我忍住o個陣時唔喊,但係當個社工走到過黎o既時候,我終於都忍唔住,眼淚不禁奪眶而出。

  平時返屋企o既o個條路,彷彿變得好漫長,好似無盡頭咁。我慢慢咁行,心情十分沉重,要怪,只能怪自己冇起中二o個陣時努力,到左中5 最尾o個陣先至黎溫書。隨左咁之外,我仲可以做D咩~???

  「少壯不努力,老大徒傷悲。」

  下奏,我o既表弟黎左我屋企玩兩晚,可以叫做減輕我會考o既傷痛。我同左佢落去踢波,但係踢左一陣就落幾大雨。雖然落好大雨,但係卻好耐都未試過冇哂壓力咁起球場上跑,呢樣係我今日比較開心o既一個諗法。

  人地話,「點解做人要咁悲觀~???」我會反問番佢地,「點解要咁樂觀~???」愈係認為自己應該有o個樣野o既時候卻得唔到,o個種o既錯敗感比其他o既仲要重。「咁點解仲要向好o既方面諗~???」