今日成日都落住雨,心情自然受到天氣影響,做咩都好似唔係幾開心咁(但係冇俾人鬧,咩都冇,好平常o既一日)。而今日亦都係請左4日假之後,終於返黎M記o既日子。返到去o個陣,經理問我個前途如何,我話讀毅進,佢跟住話:「有錢wo」。我諗:「一年都要成5萬,我讀呢個課程係咪"side"緊屋企人D錢呢~???」

  下奏我見到黃逸軒同埋佢細路。佢細路真係愈黎愈得意呀,個身圓"look""look"咁,細細個,超想佢做我細路lo...(當然,呢句我一定唔會講出黎o既...   =.=)   雖然見到佢地,但係因為有太多人同埋佢地o既呀媽and呀爸起度,所以好少主動行埋去同佢地傾計,9成都係佢地搵我吹水。見番中二o既同學,可以令我起繁忙o既工與休息上搵到一個平衡點,我唔使做到痴線,又唔使悶到抽筋。如果每一日都可以有一個F.2 o既同學仔黎你話幾好呢...

  距離「放榜」o既時間仲有1日多少少,如果我連「IVE」都入唔到o既話,就只有入毅進la。不過到時唔知又要俾幾多錢人呢...