今朝早未訓醒就要去觀塘食野,跟住要去交報名表。見到自己跟住要讀書o既o個間野,我心裡面無疑湧起左壓力,o個種壓力係起我小學開學o個幾日會出現。o個陣時因為我焦慮,驚識唔到人,所以開學第一日返到學校o個陣我都會喊。除此之外,我起暑假最後o個幾日都會好唔捨得,今次都唔例外,不過唔同o既係以前係暑假完之前先會係咁,但係今次係起個幾月前已經係咁。唔通人大左所諗o既野多左,所擔心o既野都多左~???此外,我仲有一班朋友起背後支持我,儘管佢地各自有學業,工作等等,但係我深信當我地其中一個有困難o既時候,其他人都會幫手o既~~~(唔幫o既唔好出聲wo...   =.=)

  交左表之後行左一陣街,經過觀塘圖書館。仲記得我上一次去呢個圖書館o既時候將軍澳o個個都仲未起好,我仲係小學生(唔知小一定係小二),估唔到已經滄海桑田,咁快就過左10年la...我同埋呀媽行o個段路睇落去好似唔伙好斜,但係行落去就...成身汗,最衰o既係我著左黑色衫ma...(熱到乜咁...)跟住去買左支水。估都估唔到,3蚊可以買到支1.5公升o既水,我o左咀,都唔知佢點賺錢...

  返到黎之後去左街市。見到街市D冷氣,相比觀塘o個邊o既風扇,我覺得我地呢邊已經好幸福嫁la,買乜都有冷氣嘆...  遲D話重建wo,雖然起o個度土生土長o既人一定會好唔捨得,但係可以換個好好多o既環境,自己又舒服,咁轉下又無妨呢~???