琴晚訓訓下覺o既時候諗起我起學校留低o既一點一滴。我最唔捨得o既,唔係學校本身,亦都唔係中五o既每一班,而係中二佢地。我諗我已經再唔可以同中二o既同學一齊玩,甚至冇得再見面。再諗起我將來起毅進要面對一班全新o既面孔,我o既唔捨得就更加明顯,我開始流下一滴滴o既眼淚。我諗都冇咩人會訓訓下覺o既時候會喊,但係我就為左呢件事而喊,唔知係咪我o既問題呢...

  下奏去食buffet之前行左一陣街,起不知不覺間我行左一條已經有7年冇行過la。其實我對呢條街唔係咁好,因為以前每次我行呢條街,跟住就要上去呀爺屋企度,呀爺屋企o個度咩都冇,去到都係得個坐字,唔知做咩好。但係今次行呢條街就有唔同o既背景,唔知係咪身邊o既背景能夠影響自己o既心情呢...

  今日睇左體育新聞見到西維爾o既後衛魂斷球場,終年22歲。我有D慨嘆,人生往往就係咁渺小,冇辦法控制自己o既生命。我地可以窺探肚裡面o既小生命,上太空,但係卻控制唔到自己o既生命同埋將來...   美國某一歌手因為飛機失事而逝世,享年18歲;某一足球員都係因為心臟病發而魂斷球場,終年亦都係22歲...18歲同22歲都係黃金時期,大把作為,但係卻冇得做自己想做o既事,呢個會唔會係佢地o既遺憾~???如果我地依家有時間都唔做自己想做o既事,會唔會成為我地將來o既遺憾~???