今日終於派左第一次o既測驗,但係成績就...雖然都起預計之內,但係總覺得考得好差...只係得92分(23/25分)...我望住份測驗卷,不禁呆住左。「點解我錯埋D咁低級o既問題嫁~???我真係好冇用...」,但係...起度怨都冇用,要怨,只能怨自己冇用,可以咁都錯。錯左之後,又要去面對呢份卷...如果我一早知道係咁o既分,我或者會唔"law",但係一"law"左呢份卷,就代表我已經接受左佢,我可以怨咩~???

  夜晚,我食完野之後去左買褲,最後買左一條牛仔褲。呀媽講左一句發人心省o既說話,令我好有得著:「條褲幾多錢並唔重要,最重要係你著得舒唔舒服。」   佢得好岩,價錢o既多少並唔重要,最重要係你享唔享受呢樣物品。同樣道理,「佢」有冇男朋友唔重要,只要佢內心冇變到就得la...呢樣係如果我同到佢一齊,我最自豪o既地方:溫柔,體貼,成績好好,細心,而且仲會原諒人o既過失...  睇到別人內在o既優點--呢個會唔會正正就係我o既優點~???