今日係我期待左兩個月o既畢業禮舉行o既日子。起台上,聽到Miss Lim一組一組咁讀出我地班同學o既名字,我心裡面有一陣陣o既心酸不斷咁湧出黎。「最初一班好壞參差,雜亂無章o既4T班,幾經辛苦終於一個一個咁教好。依家又要一個一個咁放開佢,就算係幾咁唔捨得都好,都要忍心"踢"開佢地。」即使每一日都不斷俾D測驗我地做,最後可能俾我地話係"惡魔"都好,佢都冇嫌棄我地。依家離別在即,我地仲係「大唔透」咁,唔上台畢業"law"獎,可想而知佢地係幾咁唔捨得同埋失望...  遲D就係謝師宴,我地仲未發邀請卡俾Miss Lim同陸 Sir。我諗如果我係佢地其中一個o既話我會喊lo...

  今日撞到兆蚊兩次,真係估唔到...大家傾左一陣,我俾左張成績表佢睇(我未試過俾成績表人地睇)。佢話我有一科好勁,考第10名...跟住我同佢講:「得17個人考...」  佢始終都係咁得意o既--傻下傻下... 不過今日我都係以一個好朋友o既身份不停咁望住佢,平時我怕醜嫁...我終於都望清楚佢,深深咁記下佢o既樣,同埋...佢鼻上面o既黑頭...   =.=(兆蚊你唔使遮住個鼻la,哈哈...)

   起畢業禮上,我起合唱團上見到嘉慧呀~~~開頭都唔察覺,只係起心裡面諗住佢。當合唱團走o既時候,我見到有個人戴住一副同嘉慧一樣o既眼鏡(我好肯定~~~)。我跟住眼尾望一望佢,原來佢真係嘉慧呀,佢為我而獻唱呀~~~(我係咪...諗得太過天真呢...   =.=)

  雖然今日百感交集,有唔捨得,有心酸,有興奮,有驚喜...但係我深信今日係我人生中最難忘o既一日,因為過左今日之後,我可能唔再得到學校o既護蔭,要獨立,堅強咁面對每一件事。"The problem is how do you choose life,and then live~~~"