今日終於考埋中國文學,亦表示呢五年黎o既辛勞都可以暫時擱下(個字深左少少,用過第二個字...就"dump"低la~~~)。回想番自己呢五年o既讀書生涯,有開心,有唔開心,大部份都係唔開心。中一o個陣有個幾friend o既朋友去左美國la,中二林耀輝教我數學教到依家我咁o既樣la,考試卷除左英文之外就炒埋la,等等...雖然都幾唔開心,但係中五係我最開心o既一年,可以識到金魚,蚊佢地,成績開始有D起色la。如果我早一年識到佢地,我諗我o既性格一定會再轉變得大D,由以前只係一個吸引人o既自己,變成一個開始成熟o既自己,呢個連我自己都估唔到。起中三,除左起班房o個三個人叫做傾得埋之外,就冇一個好似金魚同蚊o既friend la,o個陣時因為佢地,我o既生活都叫ok,唔會好悶,但係悶就梗有嫁la。不過最難頂o既係起中二o個陣,一個friend都冇,自己只能夠起屋企聽歌催眠自己,所以我一聽到英文歌就會醒哂la...再諗多少少,其實我中三o個陣D性格同李文浩差唔多,都係日日落去電腦室,但係講野就冇佢咁...最後我都知自己有咩唔好,改番,知至有咁多friend炸...諗番起自己o既英文,真係好左唔少,但係名次就...係咁趺...中1o個陣全級第30,到中4趺到80名...如果我認真D o既就唔會咁嫁la。講真,呢兩年黎除左會考叫做溫下書之外就未盡過力,有D慚愧...

  過左今日,我o既人生就會蘸上唔同o既色彩,有黑色,有白色,但係最重要o既係當人生到達盡頭,攤番開張紙o個陣,我究竟係5顏6色,定係只係一張白紙~???離開呢間學校,我仲有幾個遺憾。

1) 唔可以睇住班F.2長大

2) 最後一日唔可以同蚊打排球

3) 冇盡力去做Mock卷

  如果我仲有機會,我一定要完成埋頭2個心願,但係機會...只係有1/40度,順其自然la,學葉振棠講:「盡力,無問收穫,誰人能做到甘於淡薄?(戲劇人生)」只要盡左力就得la。好la,要真正休息下la...