聽到金魚話Martin會睇住佢,我開始有D感觸,睇黎我講o個句「當你地唔再需要我o既時候,我就會起你地o既面前消失」呢句可能會實現la。金魚已經搵到佢要依靠o既人,亦表示我起佢黎講已經唔再重要,如果大家勉強做好朋友,只會扭曲左"好朋友"真正o既含義。雖然金魚係咁講話我仲係好朋友,但係我覺得始終唔好再阻住佢會對佢好D。以前我都好似金魚咁,不過我冇咁好彩,我一個朋友都冇,只係得o個5隻英文CD同埋隻葉振棠o既CD陪住我,我每晚都會聽住o個幾十首英文歌,無論係唔開心,定係開心到訓唔著,我知道除左佢地,就冇人肯同我「傾計」,呢個就係我點解咁鍾意英文歌o既最主要原因,亦都係因為咁,我基本上係唔會笑(搞gag o個D例外,呢D只係短暫o既快樂)。依家金魚搵到可以依靠o既人,希望佢能夠順利咁步過呢個難關la,唔好做第二個我。我永遠都祝福你地...