今日清晨,我第二隻熊仔鼠吞埋最後一口氣,起我訓覺o個陣靜靜咁離開左我,但係我個心竟然異常平靜,可能係已經有心理準備,但係我發現到一樣野--個籠有問題。可能因為咁,我冇之前o個種自責感,反而有點兒「平靜」o既feel。

  今朝早唔知點解,發夢成日都見到蚊蚊...發夢見到佢打電話俾我,話佢有危險,而且隻腳受左傷,我即刻走去搵佢。見到佢o個陣離遠見到一班飛仔,我諗都冇諗就即刻一手抱起左佢,仲同佢講:「只要有我起度,我都會守護住你,直至有一日你唔再需要我。」我跟住同班飛仔講:「佢起我最唔開心o個陣陪住我,最開心o個陣佢同我分享過喜悅。佢唔單單只係我o既朋友,而且仲係我o既女神...佢隔離o個個(金魚),起我有困難,唔開心o個陣佢仍然起度照顧住我,依家到佢地有難,我點可以唔理呀...」班飛仔最後放左我地走。蚊蚊同我講:「多謝你呀,M佬」。跟住我醒左,原來我仲記得蚊蚊wo,雖然佢有成34日冇我講過野,但係希望有一日佢地真係有困難o個陣,我會守護住佢地,直至有一日佢地唔再需要我o個陣,我會默默咁離開佢地...(希望今晚見到金魚la~~~)