經過17日o既寂靜,等待...今日終於都可以見到「佢」。有時,掛住一個人真係可以咩都唔理。上奏不斷起度諗,佢今日究竟黎唔黎呢~???好唔容易先至等到1點10,「佢」終於都返到黎la。佢離遠見到我,就對住我微笑,我都對番佢微笑,跟住佢同我講:「今次遲到la...」結果...遲左少少...(有D替佢不值,1分鐘之ma...)

  下奏我都好開心,可以成日都見到佢,佢笑o個陣時個樣真係好靚,有點兒「欲把西湖比西子,淡妝濃抹總相宜」o既感覺。一有時間,我都會上前同佢傾下計,有時甚至要借加飲管o既藉口黎同佢傾計。雖然比較偷偷摸摸,但係我好enjoy o個段時間,因為好少時間可以咁close,一日都唔知有冇兩次,所以要珍惜呢個moment...

  「佢」去緊廁所o既時候,我叫黃俊輝(佢o個陣時等我收工等左成3個鐘la...)望下佢,俾D意見。佢個死人頭(粗俗左少少...  =.=)係咁望住「佢」,look大隻眼,真係好似咸濕佬咁...

  放左工之後係咁同輝吹水,臨走之前諗住問佢"law"杯水,順便傾下計。點知俾輝行先,同左「佢」講:「兩杯冰水走冰ar,唔該」看似爛到無倫o既爛gag,估唔到「佢」會笑,我都行左埋去,見到「佢」對住我笑,我都對番住佢笑...  

  「對了,就是這種感覺,已經久違了很久,現在可以再見到,真是很開心。但是如果要數到遺憾,只可以說是沒有問佢「一個問題」,不知道明天可不可以問到呢...」