今日好忙,仲忙過「7。1」o個日,要做到5點半先至有得走,成日都冇得停手,休息時間又唔係我想休息o個個時間,發揮唔到我應有o既能力...(可以話用唔著我...   ~.~)   而且又要對住o個個麻煩人,個個經理都話佢好好,又勤力。但係佢偏偏就係針對我,對其他人就扮哂好好傾咁...抹盤係就係快,但係仲有勁多茄汁起度...咁冇效率o既人,都可以俾老細讚,冇野講lo...

  放左工之後起樓下坐左一陣,「佢地」始終都係冇黎,可能佢地已經忘記左我la。又係o既,佢地又點會同一個大佢地3年o既人一齊玩ar...都係準備定遲D返學好過la,反正都冇人落去踢波or打波嫁la...

  有時真係唔知挫自己士氣係一件好事,雖然可以唔會令自己變得驕傲,但係挫完之後就會覺得自己係一件垃圾,生存黎都冇乜意義,愈諗愈極端。但係起我仲調整緊o既時候,往往有一個最好最好o既朋友起我身邊支持我。上一次有金魚,而今次就有兆蚊,我好多謝佢地不停起身邊支撐住我這重重的擔子。「儘管每個朋友都只不過是我生命中的一個過客,但他們卻是我人生中一個極為重要的一位知音。」