今晚我深信會係最緊張o既一晚,距離放榜o既時間愈黎愈少。壓力,加上少少o既絕望正正就是我依家o既心情。自從考完之後就已經開始存在,但係呢幾日緊張到每返工返到一半就會肚痛,就連工作o既效果都受到影響,唔通呢D就係「真正o既緊張」~???唔怕就起度講下la,如果我真係咁唔好彩,"law"到8分或以下,我都唔知點算,因為我冇plan到8分以下o既應變措施。我唔知道聽日o既結果,亦都唔想知。我好驚會失敗,如果學業都失敗o既,咁我整個人生計劃就失敗左一半嫁la,到時都唔知點算...與其知道自己失敗o既,點解仲要硬住頭皮去接受呢張成績表呢~???

  有人話「會考係一件好可怕o既野黎」,我非常同意,但係最可怕o既並唔係考試o個陣時o既壓力,而係考完之後又期待,但係又恐懼o既o個種心情,o個種心情可以令到一個人陷入崩潰o既邊緣。我依家就起邊緣中掙扎,雖然呢種心情令到我個心好複雜,但係卻令我上左寶貴o既一課,可以作為我日後人生o既參考。

「路上困境,多得有你伴隨

沿途荊棘,是你的愛將它擊退

會考了,與你一起

艱苦都變得美

努力,為共創佳績」(5T班歌)

  正如會考中文科有一篇範文咁講,「人地只不過係自己人生中o既一個過客」。同樣道理,「會考只不過係自己人生中o既一個階段」,唔使將佢睇到咁重。但係,要完完全全咁諗真咪真係咁容易~???  依家係12點24分,距離放榜o既時間仲有456分鐘。456分鐘之後又將會係一個點樣o既前途呢...