今日係prefect今次最後一個活動,去西貢行山~

龍sir因為整親隻腳,唔嘍我地去~

去supermarket買野煮,大家都有d雞手鴨腳~^^"

去到之後就開始煮野,首先係黃雅倩整洋蔥豬扖,比人偷食左一半!!=.=

張志龍就煲湯+雞翼,小強整沙律rainbow整魚片+青瓜,我煎餃子~

搞左成半個幾鐘,仲要好熱,好似受罪咁~

仲要食飯+飲湯,真係熱死人!!!不過真係煮得好好味呀~

煲湯好好飲呀~遲d叫屋企煲下先~!!

之後因為太熱,洗sir,roy同瑩都決定唔行山,買水槍比我地玩~

呢個時候大家都熟絡左,開始獸性大發,

有d人仲衰到拎煲載水潑人,好多人都濕身,我仲無啦啦比人潑到成身濕晒,

不過最後我都報到仇!!^^李月同林裕濕得好勁,件3係咁滴水,

當有一半人都濕晒個陣終於停~不過淋唔到李歡強有d可惜!!!

休息一陣就講下呢幾次活動既野~

之後搭車走,成身濕晒同吹冷氣,差d冷親!!!

番到kt行一陣街就番屋企!!

今日係玩得最開心既一日,不過攰死我!!!!!