今日落好大雨呀~搞到我對鞋入左水~><

周會係d人去完黃埔軍校同懲教處camp既人發生既野~

英文堂做reader張ws,exam係馮梅出架,希望唔會好難啦~

西史講冷戰時期,就黎教完啦~!!!不過又要做ws~

地理堂miss冇返,有個男阿sir黎代堂,佢雖然唔靚仔,不過個樣好後生,

佢隻仲有隻訂婚介指tim~我地d人係咁係玩,佢就好無奈地臉紅+笑,

仲有個酒渦,林裕就成日啤住佢~佢仲畫左個咁既符號[-_-"],真係佩服~

佢講野好快,不過都唔知算唔算係教書~

中文test,我算係識啦~不過考成點都唔重要~

test完就寫啟事,要15mins內做晒,做完就走lu~!!!!

今日都係聽歌,之做番中文作文重作~

之前作個陣佢都冇話要跟張資料,

我寫得好辛苦架~><

http://kcs.mysch.net/~kca3243/

呢個係我電腦堂既hw~不過係未做晒~

今日胡迪講番昨日pizza事件,講完一大輪之後話再發生就全部一人一個缺點(上家政個d)

中文堂繼續小組討論,丹丹係佢個組係最好個個,唔錯唔錯

之後係趙氏兄弟出場,係講一幅圖有4個阿媽一路湊仔一路打麻將,問佢地咁做恰唔恰當~

佢地係唔同意見,話個阿媽咁樣湊仔會搞到個仔生熱痱@@,又講左好多笑爆全場既野,

真係笑死我!!!白雪都係咁.alice就不斷咁反駁,成個討論好激烈~!!!!

英文做wb ex,好難呀!!!!人妖仲係度調戲miss馮,問佢今日咁大風做咩唔穿MINI SKIRT=.=

電腦堂歐陽sir冇番,太好啦~今日到miss kwan講野~kk sir黎左,我地班有d.......

宗教test,我只係溫左生字,d問答亂咁作~~

lunch個陣去搵梁sir問佢買咩車~之後見到胡迪同winnie講佢應該揀咩科~

數學又要test,今次份卷唔係難,不過要多d時間諗,額外題我做得好白痴><

放學去公共圖書館還書,仲借左2隻westlife既碟,要慢慢聽~!!

今日因為落雨唔洗係操場上周會~

家政堂整pizza呀~不過個粉餅好軟淋淋,有d核突~

整左出黎都唔錯架~個餅底好脆呀~

小息個陣比張嘉儀見到有人分pizza比f1,之後收左我地班d pizza比胡迪,好想xx佢!!!

物理堂今日突d野唔係難呀~不過個風扇吹到我好涷~><

pe今日考頭手倒立,我一次都未練就去考@@,好彩有keeper,第二次就做到啦~

考完之後去練平衡木,轉身個part做唔到,好驚><

lunch prefect開會+食野,d野食都幾好味,不過就少左d,好似唔多夠咁多人~

music繼續考唱歌,考左10個人,好好聽呀!!!!!!

普通話考口試,好無聊><!!

放學之後去問胡迪拎番d pizza,胡迪好似一早就係度等我地咁~

今日10點幾番去練笛,11點幾,miss chan 叫d pizza送到黎,食食下榮耀竟然趕番黎,

佢話佢地比賽第三,仲打贏左喇沙tim~真係好勁,不過就唔知有咩獎~

依完之後就搭的士去油塘,分3架車~點知去到個陣話應該係去月華街個間~=.=

之後又搭的士番去,等過馬路個陣見到有個阿媽係度打對姐弟,仲要打個姐姐心口,

打完之前就打個細既,個姐姐就唔比個阿媽打個細佬,跟住就又捱打!!!太過份啦~

我地過完馬路仲見到佢打,之後上左架taxi,跟住個taxi司機係咁鬧個阿媽,差d要報警tim~

 我同pinky,安妮,林裕一架車,見到個阿媽係咁扯住個仔行,個陣已經有好多人睇住~

開左車之後個司機係咁鬧,因為佢一路都睇住個阿媽點打細路,

我覺得個阿媽痴線架,要打要鬧都唔係咁,最後仲見到個對姐弟喊住咁番屋企,真傷心~

去到基法之後都繼續講呢件事,miss都有出聲~

去到之後見到好多好得意既小朋友~睇左d人花式跳繩

之後到我地,今次好過上次表演呀~~唔知秀天幾時校慶,我好想番去幫手!~

個show完左之後就搭車番屋企~