8月,原來又過左啦,新學年又開始,

no longer a fm,同時要為自己既成績奮鬥,將來就係睇宜家啦!!!

回顧呢3個月,都係忙返工,唔係就有其他野做,

不過有幾樣野想係暑假做既野都未做到,唔知幾時可以呢

好耐冇打日記..放暑假既我都係忙住返工,,,

由7月15至8月2 既census2011終於都結束,

人生只有一次機會可以做統計員

多謝42-21既人,好開心可以同你地合作

今次係做公屋,大部分既街坊都好好人,我仲同佢地吹水吹左好耐

我會好掛住d好平既野食野飲! t_t

其實我地份人工真係用汗水賺返黎,我地一d都唔hea,

呢份工帶俾我既野我會好好咁記係心入面!!

告別呢份工,之後都係要繼續返工,仲有ocamp等緊我^^

尋日終於出左成績啦,高分過上學期

acct仲有c+,真係好開心,唔洗retake!!!

起碼我既努力冇白費!!total gpa都叫做達到自己既目標

不過我下年一定要再努力d,最少都要2nd hon!!

20歲既生日,同君,甘,rainbow去左長洲,玩足一日呀!!

去左掃街,小食好正,好想再encore!!!!

之後去左張保仔洞,由碼頭行左好耐先到,好晒好熱....

入到,其實又唔算細,女仔過就好d,男仔可能就難d lu~

行左冇幾分鐘就行完,入面聽到好大既水聲~

今日成日都天晴,有段時間仲冇咩雲

then休息一陣之後就去沙灘浸腳,最衰冇帶泳衣,唔係就可以浸身

d水好冰涼好舒服,不過呢到d沙好粗,沙灘又搵唔到靚女...

之後就買野食,我買左斤大粒魚蛋,蝦醬返屋企

係船上食cake,個綠茶芝士同new york cheese都好好味呀!!

仲有你地唱生日歌,我今日真係玩得好開心呀!!!

dinner就係北角食italian restaurant,好味又平,不過都係將軍澳既service好d!!

返到屋企,好攰呀,媽媽留了2個小籠包俾我

考埋今日,我year 1既生涯就完結啦,

日日冇得訓既生活可以暫時停下,

exam題目都係我溫得唔熟既part,成績應該再創新低啦,不過升到班就得!!

呢一年咁快又過左啦,係syu最開心係識到你地5個,

希望我地既友誼到畢業後都係咁好!!

仲有section 1既同學仔,同你地一齊上堂好似去返中學咁,希望下年都可以同你地同班

有d不足既係我好少參加學校d活動,year2又冇得住hall,

希望我下年可以對校園生活有更多既回憶,

因為我唔想我大學既生活只有讀書同工作!!

暑假要努力工作,努力賺錢,仲有要開始溫定普通話...