今日唔知做咩突然心血來潮 想正正經經搵d野整
於是十點幾個時決定整番令令個日記 好可惜 平時我都唔會點樣理日記既外表
覺得有個地方打就算 可是現在不同了 我覺得將一個日記整令真係要比心機
雖然而家都未算令 有好多野都未整好 其實我覺得咁樣好好了
好過之前成日陰陰暗暗咁 而家都算叫做大改革 有好多語法我都唔知係咩黎
所以試下試下 有時失敗就不斷轉變 就變成而家咁 我自己對設計同配搭簡直係0分
好多顏色都唔識配 哈哈 睇黎日記以後都唔洗用黃色 因為用左黃色就睇唔到
我諗我應該開始每星期用一日打日記同埋改qooza外觀 由之前改到而家差唔到改左成個半鐘
可能人地認為咁樣改15分鐘就搞掂 不過平時我咩都問人 今次真係自己搵背景圖 搵音樂 搵語法
當1個人全力整野 完成左之後 個成功感真係好好!
我尼排個人開始成日回想..點解我之前會咁傻 成日都係傻更更咁做人 點解唔努力d呢
而家搞到自己一事無成 好多人都話 當一個人去到一定既事實 就會開始對自己之前既有所感悔
我開始感覺到了..我覺得無論一個人 做每一件事真係要諗清潔 有好多時都係回唔到頭
請各位珍惜眼前人 珍惜眼前既事物 珍惜自己所愛既人 唔好當失去之後先去反省後悔
打番日記先.. 更新左之後 我覺得自己更有動力去打日記 我諗我唔會再去數呆呆幾多日 永遠標題都叫呆呆好了
因為我真係覺得自己呆呆地 (迷之聲:你根本就係痴線既 你唔係呆既!!)
我決定左真人盡量界講粗口 雖然係好難..(本人被小學5年級教壞講粗口orz....)
不過盡力而為 有心有力既人做乜都會成功
同埋我決定左 黎緊尼個禮拜 去剪頭髮 再去阿pat間鋪影相 正式番工生涯
再係咁樣係屋企係唔得 我自己應該都要識諗 有好多人話唔開心去番工可以忘我 我會努力!
11月6號約左成班同學食刺身自助餐 暫時好似得6個去 我地班fd 差唔多成個11月既4個禮拜都有人生日
當然我係其中一個啦 同埋聽澳門政府講下年開始決定 要21歲先入得賭場 唔知係咪真架呢尼件事
所以同學們都決定組團去澳門玩 11月之後
時間真係過得快..咁快又就黎完1年 仲有2個月加10日到... 其實尼一年都算開心
起碼係開心過之前個17年.. 唔知鄭伊健演唱會幾時開始賣飛 我真係好想入去聽
我唔係話特別鐘意佢 我只係想體驗下現場氣氛 其實佢唱功真係麻麻 但係佢d新真係好聽
不過可惜啦..冇人陪我癲 我都唔知儲唔儲得切錢.. 又要儲2舊食壽司 又要儲400蚊買鄭伊健d飛
所以我要努力搵工! 搵多d錢給自己消費! 同埋儲錢買車 (我唔想買樓 寧願要車)
今日真係打左好多字 應該啦,, 尼排有好多野都想講 可惜小出街 都唔知同邊個講好..
身邊已經冇太多朋友可以傾訴.. 單獨會好? 還是一班人較好?
好啦 日記差唔多完啦..我都諗唔到有咩打了..
背景歌名音樂係:一生愛你一個 同埋我覺得整左咁多最令都係最頂個時鐘
哈哈哈...唔知幾時可以再見面.. |