琴晚訓教個陣失眠,拎左部手機係度聽歌。選左d我以前好有紀念價值的歌...第一首係lemon tree,依首歌係之前聽thatswhy一個節目叫樂樂時分,個陣差唔多到節目尾個時,個電台的播歌機突然壞左,所以播唔到原本想播的歌,最後播左依首歌,令到我鍾意聽依首歌。第二首係room of angel,依首歌係以前深宵直播室其中一首的主題曲...好懷念個陣聽深宵直播室講靈異同不可思義的故仔,好有靈異feel。之後第三首係be a man,依首歌係我第一隻鍾意衛詩的快歌。第四首係留在我身邊,依首歌係我聽阿ben的越夜越音樂節目鍾意的第一首日文歌,個陣阿ben成日播,令到我好鍾意聽...其實仲有好多首不過講唔晒.......到左5點幾終於眼訓啦.......到左今早12點先起身......到左7點出左去同d姑姐,表妹食飯。食食下個陣我九姑姐同九姑丈話今日去左黃大仙求籤,個解籤人話原來我姑姐仲有一個妹(姐係我仲有一個姑姐)。之後狂係度講佢番左黎搞住我地......過左一陣又聽到佢地話要超渡佢......又話要請d咩師父,又去咩問米=.=(太迷信啦佢地...)......佢地講到一半,我講左一句「信耶穌好過,唔洗花錢」。原來以前我阿嬤係佢生我九姑姐同十姑姐之間曾經落左一個女。佢地講完超渡之後就係度講食貓肉,狗肉,田鼠肉,候子腦......一講到候子腦我就記得之前聽過一個真實的靈異故仔(賣過報紙),話說有一個人以前係大埔係一個以前成日收保護費的人,有一日佢去左一間專賣候子腦的店舖到食候子腦。佢食完之後先發現原來自己食的係一個嬰兒的頭,之後佢番到自己屋企,連續幾日冇出過黎。佢的屋企人一開佢對房門,見到佢用一枝筆插左入自己的大陽穴,之後將枝筆係個腦狂轉,最後個個人就死左。到左10點鐘,我地就番屋企.......

我最細的細佬拎住盆水仙花影相(自己種的)!!

盆水仙花開得幾靚下同有好大陣花香...

盲腸字