今日5點30分起左身,沖左個涼.....之後就睇「我的最愛」,「十分愛」,「獨家試愛」,睇完寫劇本........寫完劇本都9點=.=....冇得食五香肉丁雞蛋公仔麵=.=.......整好晒d野就坐港鐵去油塘.....冇個早過我到......上到去月台冇幾內就見到肥楨......比左個劇本佢睇....佢覺得之前個個好d......之後打比阿翁...原來佢岩岩先醒......叩佢快d黎.......
   好大霧....
到左10點阿凱,細鍾,軒哥,曹鍵,肥興都到晒,得阿翁未黎.......到左10點36分佢黎左lo......坐港鐵到中環.......要追到11:10am個班船......係香港站狂追.....到左中環4號碼頭....走左lo班船......連走2班,一班因為就阿凱,一班因為阿翁遲到.......12點先有船......等船期間就去左5號碼頭買野食.......到左12點坐船去索罟灣,念住倒轉個行程......坐船個陣,好有離心力....原本好怕依d野的我...反而覺得好好玩.....唔夠30min到左索罟灣......
  去索罟灣的船.... 等船時期@@....  坐到途中就見到間風車....  索罟灣風景......        好有特色的警局.....
 懶訓的狗仔......
黎到依到就食lunch...食seafood.......選左間價錢平的泰苑食......入到去688 6人套餐,8個人一齊食......係個道食野好有特色.....望住個海好舒服......但d野食就.....唔熟....唔新鮮...遲黎....唔太好味.....
  好有魚村特色......
食完lunch就行下索罟灣...有間好有特色的野的鋪,見到一把諸葛亮的扇好岩黃杰=.=....原本想放張相上黎,但張相捐壞左.......好想釣魚但唔夠時間......得番1hours行,將個時間變緊左4pm先走,但個陣都2點幾=.=.......行去榕樹灣....沿途見到唔小好靚的景色......索罟灣真係一個好小受污染的自然生態.......
             行山去榕樹灣個陣見到神風洞......唔入得去.......睇完一陣就繼續行........ 好靚個景....   某人阻住我影相.... 太陽能@@......
       依個野好熟...... 好似我細個黎過.......  係道飲野好正....... 假的貓頭鷹
   行的途中不斷有人狂叫行完未=.=.....行山係咁嫁啦.......享受大自然吧!!.......行到洪聖爺泳灘就休息一下.......之後再行去睇風車......行的途中我記得阿翁講左句「如果我間黎係我個女朋友就好.....」haha...當時佢間黎有個女仔@@......   
   
     港燈真係好環保....想住係南Y島@@.......間風車好大....
     如果佢趺落黎有咩後果??藍天白雲配風車好好景....望住遠方的香港仔......
     佢地逃不過我的偷拍@@.......
  睇完風車得番30MIN.....行番落去榕樹灣........行的途中見到隻貓......成班人玩貓=.=.....
  
行到榕樹灣都差唔多上船........冇咩點行榕樹灣.......遲D同肥興再行一次........因為今次又要就住集合時間同埋要番坑口補習..........又要追船了...88了榕樹灣......
    坐HKFA的高速船真係好正...$14.7就坐到高速船....比起去長洲要$22.5......番中環途中見到摩星嶺,西環一帶......
  到左中環又係唔洗30MIN....真係快.......之後就行陣中環,再坐港鐵去坑口.......補完習就同阿凱,細鍾,軒哥去大快活食野.......今日咁多餐最飽依餐.......之後一齊行去寶林.....行的途中狂吹水....講細鍾....講林政賢....講狗仔.....行到新都城我就坐91M番屋企.......番到屋企冇人知道我去南Y島XD......整野整到12點幾就訓........今次D行程算麻麻.....遲到...等船....食野.....都冇左好多時間....冇真正去行南Y島...下次再去過@@.......最後送上一張圖,係黃杰D基金XDD....個陣見李穎欣咁多2蚊仔用左張一百同佢換晒,廢是咁重.....
盲腸字
|