好唔容易考完試之後∼就派卷∼
原本我諗住我起今個考試完全係ｈｅａ住黎考∼
無咩溫過書∼可以話差唔多科科都係前一日先溫∼
係咁耐以黎最無心溫書既一次∼（唔知點解真係完全無心溫．．．）
但成績出黎既結果真係出乎我意料之外∼
派卷報告：
原本諗住ＰＯＡ同中文會唔合格∼點知又合格左∼
講起中文∼尋日派中文作文個陣真係勁好笑．．．
坐我隔離個個∼篇作文真係好搞笑．．．
原本佢係想寫『自出娘胎以來』∼
但係寫左『自出羊胎以來』∼
ｍｓ王仲要係上面寫句：「你是羊？」
跟住真係就笑到我肚痛．．．
之後篇文既作者仲要講返∼
其實佢一直以黎都以為個字係『自出羊胎』∼
因為『羊胎水』呢三個字令佢誤以為個字係『羊』．．．真是有點兒無奈∼
跟住ＭＡＴＨＳ同ＥＣＯＮ又意外地拎到好成績∼
睇住ＭＡＴＨＳ份卷我真係勁開心！！！！！第一次考得咁好∼
而ＥＣＯＮ都考得唔錯∼不過有個地方我唔甘心．．．
就係個（Ｒｅｎｍｉｎｂｉ）！！！
我誤會左係跟英文拼音黎讀∼所以就以為係一個唔知邊度既地方名∼
點知係普通話拼音．．．如果佢寫明係普通話拼音∼我實知係人民幣！！！
就咁樣∼就成條問題就搞錯曬！無左６分！
而中史，地理，中國文學既成績都算ｏｋ∼
不過文學既∼我有個地方好激氣∼
原本我明明５１分合格∼點知又話簿面無寫題號就要扣２分∼合格扣到唔合格．．．想點．．
但我明明見到ｄ人無寫∼但都無扣∼唔公平呢！！！
後尾都好彩∼原來佢計少我一分加改漏左我一ｐａｒｔ∼
所以．．．都起碼合格∼
不過誇張既係．．．Ａ班同Ｂ班係同一個老師教文學∼但係合格人數相差勁大∼
Ａ班１６人∼Ｂ人６人．．．
只係英文．．雖然合格．．但相比於全級方面∼就唔係好好喇．．．
不過算了吧∼一早估到∼
依家只係驚只靠數學同埋好ｄｄ既中文拉唔到分．．．
報告完畢
講完派卷方面既野∼就講返放假∼
唉∼今次放假真係放得少．．．得１０幾日．．．比之前少好多∼
放完∼就連續幾個月無假放咁濟∼慘．．．慘．．．
呢個農曆新年假∼留起香港過．．．
我都好耐無起香港過∼都唔知應該點過好∼
希望可以收到多ｄ利是啦∼
| 
