唉．．．呢排真係周身唔舒服咁∼由４月開始已經係咁．．．
自從４月１６去完ｇｅｏｇ個考察之後∼
周身痛咁返黎個陣∼已經唔多妥∼
而４月份又勁忙∼個個禮拜都有ｔｅｓｔ∼
而一個禮拜ｄ ｔｅｓｔ可以多到離曬譜．．．
一個禮拜得５日∼但有次竟然可以有成６，７個ｔｅｓｔ＆ｑｕｉｚ∼
真係估都估唔到．．．
之後有一次仲挨夜挨到去３點幾先訓∼
到第二日勁無精神∼而個晚就起廳度∼溫溫下書∼１１點幾就訓著左．．．
而呀嫲竟然無叫醒我返入房訓．．．由得我起廳到訓∼
但係慶幸ｇｅ係佢都有幫我蓋返張被∼無凍親到∼如果唔係就會好麻煩∼
之後幾日就頂硬上∼好幾次就差ｄ病∼
跟住我ｄ鼻敏感呢排仲嚴重過冬天咁．．．
不過就肯定係個班房ｇｅ問題∼
雖然係就到夏天姐∼但ｄ人有時癲到可以開曬３部冷氣同風扇∼
搞到差唔多成班人都要著住長袖冷衫∼
但又有ｄ人就咁一件短袖∼佢地係唔係真係咁強壯呀．．．
最嚴重個陣∼由一返學到食完ｌｕｎｃｈ都要猛咁用紙巾∼
一日最多仲可以用成２，３包紙巾．．．
希望我最終唔會又比ｄ風扇冷氣搞到病∼
而我咳ｇｅ次數又比以前多左．．勁辛苦∼但係唔知點解的說∼
今日呀嫲仲話要帶我去睇中醫∼
我就話飲多幾包夏桑菊算∼唔想飲個ｄ中藥∼（但其實依家新買個包夏桑菊都勁苦）
跟住尋晚又無端端勁肚痛．．．點訓都訓唔到∼
又唔似胃痛．．擦左驅風油又唔得∼唔通係心理問題嗎？真係又唔知點解的說．．．
諗住聽下ｍｐ３∼睇下訓唔訓到∼但都係唔得．．．
只好合埋眼當休息下∼但仲係痛．．．
之後痛到我連呀爺去返工個陣我仲未訓到．．．（個陣已經係５，６點）
最後．．真係好唔容易先訓到∼（幾驚成晚都訓唔到）
訓到１點幾起身∼都係覺得唔係好夠．．
不過又唔可以繼續訓∼只可以挨埋落去．．
希望今晚唔好再痛啦！如果唔係．．真係唔知點．．．
但依家似乎又有ｄ痛痛地∼
依家個流感又咁嚴重咁∼又話可能停課∼
如果我仲係ｆ２，ｆ３個ｄ∼我會為停課而好開心∼因為無咩影響咁∼
但依家ｆ４∼一停課ｇｅ話∼ｄ老師就會教唔切ｄ會考課程∼
一定會叫我地遲ｄ返去補課∼再唔係就叫我地自己自習．．．但我地仲更加會搞唔掂∼
雖然下幾個禮拜都有好多ｔｅｓｔ∼我自己就真係唔多想測∼
但如果真係停課ｇｅ話∼ｄ測驗又要延遲∼只會更加辛苦．．．到時候都只係得不償失∼
只希望遲ｄ都唔好停課住∼同埋自己唔好病倒．．．要撐落去！！
| 
