放榜咁大件事點都要打篇日記的了！
尋晚個陣∼心情勁鬱悶＆勁驚的！
原本對自己都幾有信心∼但隨住放榜時間越黎越近∼自信心都越黎越黎越低∼
甚至作出最壞ｇｅ打算∼例如如果得１０－１２分或唔夠１４分點算∼
直到今日返學校個陣∼雖然表面上係無咩野∼但其實個內心係勁鬱悶∼猛咁諗緊自己會幾多分∼
返到班房∼同少少同學傾左幾句∼文海無耐就拎左ｄ野入黎．．．
成班同學都猛咁叫文海唔好咁快派住∼但無奈地∼有ｄ野點都係要面對的了∼
文海就同我地講話成班無一個係１４分∼呢句說話對我地班同學講簡直晴天霹靂．．．
因為佢呢句話姐係代表．．．一係就１５分或以上∼（有機會升原校的）一係就１３分或以下∼（連聯招都無得去）
之後∼文海仲話差唔多有成半班人係１３分或以下．．．．．．就開始派１３分或以下個ｄ會考成績表∼
呢個過程真係十分之驚心動魄．．．當時ｇｅ我不斷起度諗：「唔好叫我個名！唔好叫我個名！」
好彩∼後尾都有得留低∼之後就落ｈａｌｌ等派１５分或以上ｇｅ會考成績表．．．．．．
拎左會考成績表之後．．．
見到個分∼其實我已經打定輸數．．．．．．認定自己一定要去聯招的了∼
因為個分實在．．．好難入返原校∼（歷年呢個分已經好難入返∼何況今年．．．．．．而且中、英又考得幾差咁．．．）
之後填ｆｏｒｍ∼開始第二輪計分∼交左之後我就猛咁睇聯招小冊子簡學校∼
不過心情就可以話係比未拎成績表之前輕鬆∼
因為起碼知道個分∼而且都覺得自己按呢個分應該係搵到學校升中６∼所以就淡定少少∼為遲ｄ聯招ｇｅ面試作準備∼
珊黎左問我ｇｅ情況∼我都同佢講應該留唔到原校咁∼之後佢同我講佢ｇｅ分∼真係覺得佢真係好勁∼
但問返慧ｇｅ情況∼先知道原來慧佢真係估岩左．．．佢留唔返原校了∼希望佢可以搵到好好ｇｅ出路啦∼
之後打去君度問佢同娣ｇｅ情況∼知道佢地都唔係考得好好∼
所以∼都係一齊聽天由命了．．．．．．
過左無耐∼公佈第一批可以留返原校ｇｅ∼按分數逐個逐個叫名∼都有１０幾２０個咁∼
雖然明知自己唔會係呢一批ｇｅ其中一份子∼但心入面總係奢望自己係∼
叫完名之後∼個ｄ人就開始填入學ｇｅ ｆｏｒｍ∼而我自己又起度睇聯招小冊子∼
睇睇下∼跟住見到理科個邊勁多人都要走∼（甚至係平時好勁個ｄ）
而彤都係要走∼我都係希望佢可以搵到好好ｇｅ出路．．．．．．
我依家真係覺得我學校理科ｇｅ真係幾慘∼競爭好大．．．
到第一批ｄ人交曬ｆｏｒｍ之後∼又開始叫第二批人了∼
不過個陣ｇｅ我仲以為第二批人係裁定左為∼留唔到原校而要去聯招的∼
所以當佢第一個叫左我之後（第二個叫娣）∼我就帶住「我都預左」ｇｅ表情出去∼（應該算係苦笑ｇｅ表情）
點知出到去∼ｄ人拍手掌∼個陣我仲諗：「做咩要去聯招都拍手掌ｇｅ？＝＝」
後尾去到枱前面拎野∼返埋去．．．仲諗住執野走人∼（去１０１，１０２室準備聯招ｄ野）＊專門比我學校ｇｅ學生準備聯招ｇｅ室
但後尾見到ｄ人咁開心咁∼再睇返我枱上面係張入學ｆｏｒｍ∼我先發覺原來我呢一批係可以入返原校ｇｅ∼（諗返起我都覺得自己有ｄ遲鈍）
呆左陣．．．跟住勁開心咁坐返低∼填ｆｏｒｍ∼（興奮左好幾個字）
去到填曬張ｆｏｒｍ先平伏到開心ｇｅ情緒∼之後交入學ｆｏｒｍ∼
再拎黃色ｆｏｒｍ填∼填完交錢∼總算完成左個入學程序．．．．．．（個陣大概１０點幾左右吧）
之後我諗∼我呢個分數都留到原校ｇｅ原因∼
應該係因為可能平時ｇｅ成績唔太差∼而且又參加左學生會助理∼輔導生∼工作人員個ｄ之類吧．．．．．．
總之點都係∼上天保佑∼比我留返原校∼
跟住走去娣個度睇下咩情況∼見到君唔起度∼原來係去左面試∼
之後又同娣傾左陣∼傾緊唔知覆唔覆卷好．．．
因為我中文ｄ分實相差太大了．．．
而我依家都未有打算∼唉．．．．．．
又過左一排∼君返左黎∼佢就話ｄ問題好難∼有幾個文科ｇｅ面完試出黎就喊∼又話未必可以留返低∼
咁我地都無辦法∼之後坐起度再等下∼（個陣起ｈａｌｌ ｇｅ人已差唔多走曬）
等左無耐∼終於有消息∼
結果係．．．．．．君佢同淑瑩佢地都可以留得返原校∼佢地興奮到攬埋一舊∼（真係可喜可賀了）
ｄ老師就催君佢地快快填完張ｆｏｒｍ＆交錢∼之後交返個場做聯招中心∼
最後∼君係最後一個交表的∼君走個陣仲話：「死啦∼比梁ｓｉｒ認得我係最後一個交表∼」
個陣ｇｅ我只好回佢一句：「算啦∼出年佢又唔會教你∼＝＝”」
之後我同君＆娣走入１０１，１０２室個陣（專門比我學校ｇｅ學生準備聯招ｇｅ室）∼見到真係勁多人的說∼
又坐滿曬∼周圍又有ｄ原校收ｇｅ同學係度（佢地起度幫緊佢地ｇｅ ｆｄ）∼又有ｄ老師起度∼
個氣氛實在係形容唔到．．．．．．又唔係太沉重∼又唔係太輕鬆∼真係唔知點講∼
後尾留左陣∼打比ｄ小學ｆｄ同佢地講下依家第一階段剩下ｇｅ學位∼之後就返屋企了∼
依家我諗諗下∼其實今日都算係我ｇｅ ｌｕｃｋｙ ｄａｙ吧．．．．．．
不過∼我諗我以後所期望ｇｅ野都要掉轉諗了．．．因為我發覺我依家好多野成日都同預計ｇｅ相反∼
例如：之前我諗我見得成暑假工∼點知見唔成∼
今日放榜我諗我一定要去聯招∼點知升返原校∼
唉∼雖然今次我會考考得唔太好（我自問無盡曬力）∼不過我之後一定會勁比心機的說！！！！！
勢要成日溫書！考好個ＡＬ∼升上大學！
而慧同彤佢地∼希望遲ｄ仲有機會同佢地出黎玩∼維繫返個友誼∼
| 
