今日係２月１４日∼情人節∼仲有１４日∼又到我生日喇！
１８呢個歲數．．．真令人覺得沈重呢∼（唉∼其實我依家仲係好細個ｊａ．．．從我打既日記就知＝＝）
情人節．．．係我今年打ｇｅ第一篇日記．．．
我諗我下次打日記就係１４日之後個日喇！
不過我發覺呢∼原來年年我個生日同情人節∼都會係起同一個禮拜發生ｇａ∼意思唔係解話係真係起同一個禮拜咁解∼
而係．．．如果我生日係起禮拜１的話∼情人節都會同樣地係起禮拜１∼
哈∼呢樣野∼真係好平常下∼
連君佢地聽到之後∼都覺得呢樣野無咩特別∼
但係無咩所謂啦∼我覺得幾有趣咪得囉∼
今日我發覺∼就算無情人都好∼呢一日都可以過得唔錯∼
雖然個天氣真係勁凍＝＝”
返到學校之後∼同平時一樣∼
但係就收到ｊｏｅｙ個既朱古力∼
情人節收到同學送ｇｅ都幾好∼
之後照樣上堂∼不過唔知點解∼今日上堂我特別輕鬆∼連時間都過得特別快∼
話咁快就到ｌｕｎｃｈ∼同娣，君，欣，嘉嘉一齊咁食飯∼
雖然係少左珊．．．（唔知佢之前既傷痛平伏左未呢．．．？但後尾都聽講佢今日心情唔錯∼咁就好喇）
之後我第一次聽講有種朱古力叫情義朱古力＝＝
起情人節ｇｅ時候，由非情人（如朋友、同學）送ｇｅ朱古力就叫情義朱古力∼由情人送ｇｅ先係情人朱古力∼
感覺上∼其實覺得有ｄ奇怪．．．點解要咁分呢？真係唔知了∼
不過總算今日都收到兩粒情義朱古力∼都算幾好ｇａ喇∼
一粒ｆｒｏｍ ｊｏｅｙ∼一粒ｆｒｏｍ文海∼
覺得文海呢個前班主任真係無得頂！連情人節都會送ｄ朱古力比我地以前班５Ａ∼
唉．．．真係好想比佢教返ｅｃｏｎ．．．．．．
哈∼仲記得旅行個陣佢個咸蛋超人ｌｏｏｋ∼由支燒烤叉起兩粒魚蛋扮隻眼∼真係好搞笑∼
仲有個陣隻燒雞∼燒肥牛∼士多啤梨朱古力∼真係好難忘！
講完文海∼都係講返今日先∼
ｌｕｎｃｈ之後∼上ｇｅｏｇ堂∼上成三堂∼兩個鐘．．．真攞命．．．
起禮拜１上ｇｅｏｇ堂∼個時間真係十分之漫長．．．
仲漫長過禮拜４既三堂ｐａ堂∼因為個陣只係猛計數∼都會覺得快∼
但係ｇｅｏｇ堂只係坐起度∼望住個呀ｓｉｒ∼點都唔會做到其他野∼因為得７個人＝＝
一做其他野／訓教∼都會比佢睇到．．．
雖然個個禮拜都係咁上ｇａ喇∼但係．．．都係覺得．．．唉．．．
不過今日ｇｅｏｇ堂總算有ｄ比較ｉｎｔｅｒｅｓｔｉｎｇ既野∼就係睇片喇∼
條片令我知左一樣野∼原來經過非正式統計∼大多人起荒漠死ｇｅ∼唔係因為熱死／渴死∼而係浸死＝＝
呢個唔係講笑∼係講真ｇｅ∼
真係估唔到呢．．．
睇完片就放學∼
放學個陣∼君竟然話要搭地鐵．．．話要去買山崎買包食∼真無奈＝＝
話聽日先又話唔得．．．又唔係唔知今日天氣凍ｗｏ∼
搭地鐵返去又要行段路先得．．．要猛吹風＝＝
本來我企硬唔肯搭∼佢又猛咁叫我搭∼
後尾都緊係．．．．．．
搭左地鐵∼
唉∼算了∼
雖然今日係情人節∼但今年對我黎講∼實在係一個無咩特別ｇｅ日子∼
因為同樣地係返學∼放學∼之後我今晚又會睇電視∼用電腦∼做功課∼訓教∼
日日如是呢∼
但我相信∼每日都會有ｄ有趣野發生ｇｅ∼
雖然只係ｄ無聊ｇｅ事∼但係∼都值得記得．．．
不過有樣野我又覺得好奇怪．．．
明明我今朝覺得∼今日ｇｅ天氣比起之前凍個ｄ日子∼無咁凍∼
但係點解到左依家又咁凍ｇａ！！！
題外話：
其實今年我學會左一ｄ野∼
就係∼有時真係唔好太過執著∼
或者∼有時∼放低一下都好ｇｅ∼
同埋唔好對一ｄ無咩可能會發生ｇｅ野∼抱住好大ｇｅ期望∼
我決定起１４日之後個日∼將會放低一年前既事．．．我諗．．．我唔應該再令到自己咁辛苦．．．
| 
