唔好彩∼真係唔好彩．．．
尋晚補完習∼岩岩到青衣城∼左腳個膝頭哥又無啦啦整親左∼
個個位雖然係舊患∼但都成幾年無再整親過．．．
但點知∼尋晚行行下∼無啦啦個骨位定唔知ｄ軟組織∼又唔知點移左位∼
搞到勁痛∼之後就跌左落地．．．後尾仲痛到差ｄ起唔到身∼
抖左陣∼諗住應該仲行到ｇｅ時候∼行左一步∼又痛到．．．真係無辦法再行到∼（雖然知道起我隔離ｇｅ君真係會好尷尬∼但真的痛到無辦法）
有ｄ路過ｇｅ人∼仲以為我擦傷左隻腳∼好心咁問我洗唔洗要膠布．．．我只可以解釋話係屈到．．．係舊患．．．
後尾．．．真係好不知所措∼無助同痛ｇｅ感覺令到我開始想喊．．．而開始標曬眼水．．．
君建議我打比呀嫲∼叫佢“咩”我返去∼
但我呀嫲又話∼佢咁老∼點會仲“咩”到我∼叫我搭的士返去∼
我唯有收線∼然後同君講∼搭的士返去∼
之後∼君唯有行去個的士站個度∼叫個的士司機駛過黎比我上車∼
原來諗住君會陪我一齊搭ｇｅ∼因為話掂點我都會比曬全程車費∼點知佢送到我上車就算了∼（不過唔緊要啦∼已經好感激佢∼今日仲要拎埋ｄ功課比我）
返到長發樓下∼仍然係痛到無辦法行∼只好打電話叫呀嫲落黎扶我上去∼
起屋企個陣∼我呀嫲就攞埋ｄ藥油呀藥膏個ｄ比我用∼但用完都係咁痛．．．無辦法行∼
幸好ｇｅ係．．．屋企有張有碌ｇｅ凳∼可以比我起屋企慢慢咁行∼
最後∼呀爺返埋黎∼建議我話去急症室睇下∼但我又覺得無咁嚴重同睇中醫好ｄ∼所以就話唔去∼
到左今朝∼結果都係無辦法行．．．隻腳一ｍｏｖｅ就會痛∼所以結果都係請假唔返學了∼
之後打比呀媽∼話腳仲痛∼無辦法返學∼要去睇醫生個ｄ∼
我媽就９點幾１０左右過到黎∼帶我去對面跌打個度睇∼
我就只好靠隻右腳彈下彈下咁過對面∼
個醫生話我個膝頭哥腫左∼係因為之前整親ｇｅ時候∼有ｄ瘀血積聚左∼而依家就係發炎∼
於是佢就幫我搽藥油加熱敷∼再敷藥∼仲開左ｄ藥話攞黎消炎∼（希望有效啦∼因為唔知點解我覺得隻腳好似傷得無咁簡單）
叫我要戒口同唔好行咁多路∼今日要休息一日∼同聽日睇情況先返學∼
唉∼睇呢次跌打真係貴到．．．成＄２９０．．．＄１７０敷藥ｇｅ∼＄１２０就係食個ｄ藥ｇｅ∼
洗唔洗咁貴．．．後尾個醫生話仲要睇多幾次ｂｅｃ要敷多幾次藥．．．
唉！！！
而且∼依家隻腳．．．真係唔敢行的說．．．
| 
