F.4 - F.5之恩師
 
 
 
 
文海∼你係我暫時一生中認識到既一個最好既老師！
當初唔識你∼但當有時見到你個名∼
陳文海∼同我個名只有一字之差∼
總不免對你產生好奇∼會諗∼你會係一個點既老師呢？
仍記得當初選科∼你唔識我∼都願意解答我既問題∼
直到後來∼做埋我班主任∼
雖然我都同你接觸不多∼但每次見到你∼你都會好關心我∼
尤其係關心我既健康∼真的很窩心∼
到之後放榜∼對選科猶豫不決既時候∼
你仍願意用你好幾個鐘既時間∼甚至連飯都唔食住而陪我地傾∼
你真係一個好好既老師！
無論之後隔左幾耐∼我知道我仍會記得你∼
記得你上堂既風趣∼你既蘋果∼
你話出黎做「地產」即係「地」盤揸「鏟」∼
你去ＢＢＱ個陣拎住兩個魚蛋扮咸蛋超人∼
真係好多謝你∼文海∼
有你做我班主任∼係我中學生涯中∼最幸運既事！
F.4 - F.7之恩師
Miss So∼
你教左我４年．．．今次我辜負左你既期望∼
會計呢一科．．．我會考仍可攞到Ｃ．．．但今次竟．．．
唔知你會唔會因為咁∼而比人．．．
希望唔會．．．
知道你以為我已勤力過∼
但其實我根本無盡力溫到∼無盡力考好到．．．
我知自己能力唔係只係咁．．．問題只在於我有無去溫到∼
對唔住呢∼我仍唔敢去向你坦誠∼
F.3之恩師
 
Miss Lee∼雖然好多人都唔認同你既教學方法∼唔中意你∼
但其實我真係好中意你呢個老師！
係你令我發現到我數學成績其實都可以好好∼
從別人口中得知∼你亦可能成為那數十個既其中一員．．．唉∼
真的驚訝於來年學校既轉變．．．
或者我應該慶幸我係今年既畢業生∼
而唔需要留到來年∼見到咁多咁好既老師唔起度∼
F.2之恩師
 
Miss Leung∼
我仍會記得∼我比你教個陣∼
我既英文成績係歷年來最好既時候∼
由細到大∼我一直以為學校係一個好好∼好和平既地方∼
但無諗過∼呢個地方竟有咁黑暗既一面∼
真想像唔到．．．好似你咁好既老師∼竟然．．．唉∼
如若我唔係由別人口中∼得知關於你既消息∼
如若那天我在場∼親耳得知的話．．．我諗我個日我都會忍唔住喊∼
忘不了∼
你總會叫我My dear Mandy∼
本來我還會想像∼若果某天我回到母校∼我仍會有機會聽見這一句∼
只可惜．．．桃花依舊人面全非．．．
F.1之恩師
Miss Chu∼你係我F.1既班主任∼
雖然對你既印象唔深∼不過我仍記得你之前叫我地寫週記既時候∼
我寫到話我英文唔好∼你叫我可以起你課餘既時候搵你．．．
雖然我最後無咁做到∼但我知道你真係一個關心學生既老師∼
仍記得Last Day個日∼你陪我地係教員室門前傾計∼傾左好耐∼
真想像唔到∼好似你咁好既老師∼都要．．．
校工
其實一直都唔知你叫咩名ｘｄ∼因為我次次都用校工黎稱呼你∼
不過起呢間學校既所有校工入面∼我唯獨最記得你∼
因為只有你∼先會起每日放學既時候∼同我地講拜拜∼
起走廊撞見我地既時候∼同我地閒談幾句．．．
| 
