２０１０年．．．仲有幾個鐘就完喇．．．
呢一年．．．唔係話好開心∼又唔係話開心．．．
經歷既野．．．都唔算多∼
係就係經歷左個會考∼但對會考既感受都唔係太深．．．
係就係去左上海∼去探呀妹、呀爸∼仲去埋世博∼但感覺上都係好細微既事∼
係就係同屋企人既關係∼有ｄ拉近左∼但其實呢ｄ都係人生中好平常既事∼
而其他野∼都無咩印象∼
最深印象的．．．都唯獨係個件事了．．．
不過點都好∼２０１０年．．．都算幾平靜但又有ｄ起伏既一年∼
感謝一直陪伴我既朋友同屋企人∼特別係我呀嫲．．．
雖然佢成日會鬧我∼但我都知佢都係口硬心軟∼做咩都係想我好∼
雖然我成日都激到佢扎扎跳咁∼但佢都仍然係會咁錫我∼
多謝你∼嫲嫲∼
呀爺∼雖然我成日起夜晚嘈住你訓教∼令到你好嬲∼
但你成日都會起我呀嫲唔起屋企個陣∼肯買野食比我食∼
又有時會比下零用錢∼買下野飲比我咁∼多謝你∼
呀叔∼呀叔女朋友∼雖然依家都比較少見到你地∼但我知道你地都好關心我∼
我親生呀媽∼雖然依家同你都總有個隔膜．．．但我都知你都係好關心我∼
希望遲ｄ同你關係會好ｄ啦∼同埋希望你可以對呀嫲好ｄ．．．
呀爸．．．唉．．．真係唔知講咩好．．．只希望佢起新一年可生性ｄ啦∼
唔好再咁懶．．．去搵下野做．．．多ｄ關心下呀嫲．．．
而我同君、慧、欣、珊、彤佢地都識左六年了∼雖然同佢地仲未去到極知心個種朋友∼但都係好感謝佢地∼
君：你依家同我算係行得比較近既朋友∼可能係我地住得近啦∼去邊度都可以約埋一齊去∼
雖然你有時係口不擇言左ｄ∼但都不失為一個幾好既朋友∼
有時都會關心下我∼起我咳個陣∼都拍下我膊頭∼成日又會勸下我唔好食咁多甜野∼
呢ｄ咁溫馨既動作∼令我覺得好溫暖∼不過咁樣其實都有ｄ似我呀媽咁∼哈∼
慧：雖然同你唔係起一間學校讀書喇∼近排都疏遠左幾多下∼希望遲ｄ可以盡量再同你出黎聚下啦∼
但點都好∼我仍記得你係一個幾文靜∼但又係幾風趣既朋友∼同你做朋友既感覺∼真係幾舒服下∼
欣：你係唯一一個同我一齊溫書既戰友∼
仍記得有時你會黎我屋企做功課／溫書．．．
仲有會考既時候一齊起自修室＆學校溫書個幾日．．．真係令我好難忘∼
因為我第一次知道同朋友一齊奮鬥既感覺係點既∼原來真係幾開心的∼
唔單只咁∼中五你坐我隔離個陣∼成日恰眼訓既情形∼都令畢生難忘∼因為我真係覺得好好笑下∼
雖然我依家又同你唔同科．．．比以前又疏遠左．．．可能又會少左好多交雜∼但我相信∼我地既友誼唔會就咁完的了∼
珊：你係一個幾特別既朋友∼因為你起我地幾個入面∼最活潑既一個∼
同你一齊既感覺∼好似返返去以前無咩煩惱∼好有童真個個世界咁∼
雖然依家同你距離又遠左ｄ咁∼但係．．．我知道你點都會記得有我地呢一班朋友既∼
彤：雖然係生疏左好多好多∼而且又唔同左學校∼好難再有交雜了∼
但我永遠都唔會忘記同你一齊返學個幾年．．．同埋同你起海旁、屋企傾計＆談心個段回憶∼
仲有以前痴得好埋個段日子．．．
彤∼多謝你∼曾經做過我人生中其中一個知心朋友∼
而娣∼雖然係比佢地認識左少一年∼但都係一個幾好既朋友∼
娣：同你一齊坐既日子真係覺得幾開心∼因為你有時真係幾搞笑下∼
但願我地起新一年會有更多交接啦∼同埋希望你唔好再咁自卑ｌｕ∼唔好成日都好緊張咁∼
做人要有自信ｄ∼開心ｄ∼同埋放鬆ｄ∼
而翠文∼雖然係呢一年先同佢熟∼但都幾開心同佢做到朋友既∼
翠文：你同我個名一樣都有個「文」字∼英文名一樣又叫Ｍａｎｄｙ∼又讀埋一樣既科目∼可見我地其實都幾有緣分∼
呢幾個月入面∼雖然認識得你唔深∼但我發覺你都係一個幾搞笑既好人黎∼
而我幾個以前較好既小學同學∼ｃａｒｏｌ．．．呀嘉同靜儀∼
起２０１０年入面∼同佢地真係少左好多交雜．．．．．．不過點都會記得以前同佢地起小學個段美好既日子∼
但願新一年２０１１年∼會更精彩！
更希望所有人都可以開開心心、健健康康咁生活！ | 
