今日考中文ｏｒａｌ∼
同Ｃｈｅｒｒｙ番到去∼竟然仲有半個鐘∼
所以又等．等．．等．．．
之後就上去∼又話每個人收到題目有５分鐘準備∼
我一收到題目．．．嘩∼呆左陣ｌｏ∼
個題目好難下∼話係＜＜令你感到自豪／慚愧的事＞＞（大概係咁）
講真我真係好似無∼諗諗下．．．“算啦∼就講北京個件事”
５分鐘之後∼就去考ｌｕ．．．我見到１同２號入去都有敲門∼
入面都有個老師係入面∼分別係陳ｓｉｒ同小蔡
咁我諗住都敲門啦∼點知諗住敲個陣入面竟然無人．．．４號睇到都ｏ左∼
之後我周圍望∼望到蔡ｓｉｒ（大蔡）∼
我心諗“唔係呀ｍａ．．．蔡ｓｉｒ．．．好驚ｗｏ”
之後蔡ｓｉｒ入左去∼佢又無咩反應
搞到我又唔知入唔入好∼好似入∼又好似唔入咁．．．
後尾係蔡ｓｉｒ叫我入去∼
考緊個陣∼我覺得自己好似語無倫次咁∼
講講下長城，頤和園，中國人民大會堂．．．之後又講番去長城∼
好似係唔係都亂咁講ｄ野出黎∼為左夠２分鐘∼
直至到左２分鐘我都唔知∼係蔡ｓｉｒ話停我先停∼
之後蔡ｓｉｒ仲問我“你做咩咁驚咁ｇｅ？”咁我真係驚．．．
跟住我咪笑住答番佢話“係呀∼真係好驚∼個題目好難呀ｍａ∼唔知點講好．．．”
最後走個陣∼蔡ｓｉｒ仲叫我落去搵ｄ班 ｇｅ人上去∼（個陣係有ｄ無奈）
但我一落到去．．．係搵唔到個我識ｇｅ ｄ班人∼
搵左陣∼先起遠處見到姓麥＆姓陳呢兩位人士∼
之後咪行埋去同佢地講話上去ｌｏ∼
點知佢地話仲早∼唔上∼（咁又係．．．個陣連搭半都未夠∼佢地係搭９ ｇｅ∼上去都係無野做姐）
之後我起翁佑度等Ｃｈｅｒｒｙ同Ｄｏｒｉｓ∼
佢地唔知搞咩∼成幾個字都未落黎ｌｏ∼連Ｎｉｃｏｌｅ落埋黎佢地都未落∼
真係．．．唉∼∼∼後尾終於等到佢地到ｌｏ∼原來佢地搵勞ｓｉｒ．．．
最後見到Ａｎｎａ同欣∼傾埋禮拜２，３ ｄ野就走∼
中二ｇｅ考試終於告一段落．．．．．．
番到屋企１１點幾左右∼一入到去∼
呀嫲又打緊麻雀．．．仲要開左兩部冷氣∼（好少見）
後尾緊係ｃｌｏｓｅ左部∼
之後佢地打打下∼打到１點幾∼叫我落去買野比佢地食∼
而我自己都未食ｌｕｎｃｈ∼但我諗住去美心食下午茶∼姐係鴨米個ｄ∼（因為朝早食得好飽∼唔餓∼唔多想食野∼無食到ｌｕｎｃｈ）
所以就話２：３０之後落去∼夠鐘個陣打比Ａｎｎａ陪我∼點知佢又話等多一陣先．．．
但ｄ人已經催緊我落去∼所以就幫佢地買左先∼（其實都係買兩個魚柳包姐）
佢地比左＄２０我．．．其實唔夠．．．但我又諗都無諗過∼（無諗過再拎自己ｇｅ錢∼話掂會再上去）
打算拿拿臨走落去買∼再快ｄ番去拎錢落去買我個份∼（因為我諗住就咁起美心度食∼唔想外賣）
點知．．．一去到麥當勞∼叫左兩個包∼先發覺唔夠錢．．．唉∼
跟住買左一個∼又上番去擺底＆拎錢∼又落去買番個∼又上番去．．．來回左兩次．．．．．．真係好熱∼
之後涼左陣冷氣∼Ａｎｎａ又打黎話落得∼又落過去．．．
我諗個看更見到我都覺得好奇怪∼因為我係好快速咁行上行落成５次ｌｏ∼唉∼∼∼
跟住起美心食完之後∼行左陣商場∼諗住番得屋企啦∼
點知Ａｎｎａ又係咁拉住我唔比我走∼要我陪佢去青衣城行下．．．
唉∼救命∼我點夠佢大力∼而且佢拉住我又猛咁叫我（個兩個字）∼
跟住周圍又唔係少人∼比人睇到好曖昧ｇａ ｌｏ∼而且我又唔係個種人．．．
所以無奈地比佢拉左去青衣城行∼
番到屋企個陣都成４點幾ｌｕ∼ | 
← 呢個
