好笑既笑話一則，包保唔係爛GAG

話說一班去西雅圖既客機， 中途出現突發事故，不久將會墜機。

機上有五個人：機師、美女、富豪、牧師、學生，但係得四個降落傘。

機師一言不發，拎左一個降落傘就跳落去。

靚女見狀，忙道：「我咁靚，仲有大把青春，我唔死得架！」

於是佢拎左一個降落傘就跳落去。

富豪全身打哂冷震，道：「我咁有錢，仲未歎夠世界，我點可以死？．．．」

慌慌張張地快手拎左一個就跳落去。

機上剩番學生同牧師，兩人你望我，我望你，眼見飛機將會墜毀，

偉大既牧師向學生道：「少年，你有既係前途，好好讀書，將來要成為社會既棟樑！我都一把年紀啦，你拎最後既一個降落傘跳落去吧。」

學生忙道：「但係．．．」

牧師卻緊緊閉上了眼，唸道：「神啊，願我能與神常在！願主祝福你們，你們必得救．．．」

學生不耐煩了，怒道：「你囉唆Ｄ咩，你同我都唔洗死！機上仲有兩個降落傘！」

牧師大驚，開眼一看，果然有兩個降落傘，奇道：「咦，點會咁架？！」

學生向機外一指，解釋道：「頭先果個富豪囉，無啦啦拿左我個書包就跳左落去．．．」