對住你∼我真係要投降．．．認輸．．．又或者∼我唔應該對你再有任何期望．．．
又或者∼係我唔識做你個女朋友啦．．．（打到呢度又喊喇．．．）
我唔知點做先可以令到大家都滿意∼
以前既你，就得我太多，你開始有投訴；而家到我就返你，但係講真果句，我真係唔慣就人，我認我係唔開心架∼但係為左你，我願意去改變我自己∼
而家既你∼令我覺得你好似唔再緊張我咁，可能係我同你講左我唔可以冇左你啦，只好怪自己既感情淨係識放，唔識收∼
琴日你又冇揾我啦，打比你又冇人聽，雖然已經唔係第１次，甚至可以話係開始習慣，但係唔知點解我都係好驚，不停ｏ係度亂諗野，見到你果邊有咩交通意外，又ｏ係度擔心，驚你會有事，但係∼我知你９成都係訓緊覺，唔知點解我控制唔到自己亂諗野吖∼咁樣既男朋友，真係令我愛到好攰好攰．．．好多次都同自己講，不如放棄，算數啦，但係又做唔到咁決絕；以前既我可以話唔聽你電話就唔聽，就算你打１０幾次黎，我都係唔聽，點氹我都係冇用；但係而家唔得喇，每次電話響，我都會好敏感，好想係你打黎，只要你好溫柔咁氹我，我就嬲你唔落，即刻冇事，點解我會咁架？！！
每次你激嬲我，我都會盡量幫你揾理由解釋，然後叫自己算數，唔好嬲，要學識包容，容忍同體諒你，唔想比壓力你，但係．．．我覺得你好似唔明白我既用意咁，以為我好易氹，其實係我ｆｅｅｌ到你開始講到唔耐煩，我驚最後又搞到大家嗌交，所以息事寧人，寧願話冇野，之後轉話題，但係其實我個心係好唔舒服，覺得自己點解要愛得咁委屈，成日都要ｏ係你面前扮冇野，咁樣好辛苦吖∼
其實我地根本就係２種唔同既人，只係當初你話凡事都可以遷就，有咩唔夾就大家就到夾，我果陣聽到都覺得：邊有可能架？！唔夾就唔夾架喇，點就ｊａ？！！；但係慢慢，ｏ係我不知不覺既時候，我已經比你入左我個心入面，份量變得好重好重，重到我已經唔可以承受，而且霸佔哂所有既空間，連小小既多餘位置都冇，所以每次你唔揾我，我果日就會好ｄｏｗｎ，做咩都冇心機，果陣就會有好強烈既感覺－＞覺得自己每日都係為左你而生存，完全冇左自己∼
以前既我絕對唔會ｏ係人地面前喊，淨係夜晚自己匿ｏ係帔度喊；但係上次因為揾唔到你，我竟然可以同個ｎｅｔ ｆｄ睇緊”生日快樂”果陣開始喊，由奧海城喊到返樓下，冇停過∼搭ｍｔｒ ｄ人都望住我，我果陣真係控制唔到自己ｄ眼淚，不停係咁流，直至到左樓下，我再打比你，又係留言！！我最惜就係飛去留言，但係為左揾到你，我第１次喊住咁問：點解打唔到比你，叫你打返比我；之後再打去你屋企，你ｒ哥聽，原來你果陣先岩岩訓醒．．．我一聽到你把聲就喊得好犀利，你好緊張咁問我ｏ係邊，話而家即刻過黎揾我，我話：而家１１點喇，你黎到，我都要返去啦，ｔｈｅｎ你就係咁氹我，仲應承我話以後都唔會咁，我先識得收聲，唔再喊∼我咁大個女未試過連續喊３個鐘，仲要ｏ係公眾地方，而家只要佢一唔揾我既話，我真係ａｎｙ ｔｉｍｅ，ａｎｙ ｐｌａｃｅ都可以喊得出，變到好眼淺∼而佢既承諾，當然係做唔到啦，如果唔係我都唔會打呢篇日記∼
琴晚又係咁啦，不停咁打比佢都係冇人聽，到左夜晚又喊左成個鐘先訓得著．．．
今日∼好想揾人傾下，但係又覺得冇咩好講，因為個個都叫我同佢分手，要揾個比佢好既男仔大把，所以都係冇揾人傾，因為唔想又係為左呢ｄ問題而煩到人∼
仲記得以前同你嗌交，你嬲左我，唔聽我電話，我竟然嫌屋企ｄ ｃｕｔｔｅｒ唔夠利，特登走去買把利ｄ既，你４日冇揾我，我就界左４條好深既血痕，唔流血既話就再界多下，要見到流血為止，咁先可以令到我個心冇咁痛；我手到果１０幾條痕，有９５％都係為你而界既，就算而家ｄ痕唔係太明顯，但係自己每次望到，都會記得果陣係為咩事同為邊個而界－＞ｅｖｅｉｆ係第１個，你係第２個∼點解愛一個人要愛到咁既地步ｒ？！
我為你流既眼淚，冇誇張∼真係就黎有１公升．．．
我成日都覺得係自己上一世欠你既，所以今世要咁樣還比你；又或者∼係你之前追我果陣對我太好，太遷就我，而家到我去做返你果陣既角色．．．
”如果 期待得到結果
願意因你著魔
曾受的苦值得恭賀
我恨我 被動期盼也太傻
耐心啃苦果 是為著你改變麼
期待畢竟太多 為了等到甚麼
難道你 能自己自動的改過
你一再犯錯 承受等的苦楚
問我等到甚麼”－＞好鐘意呢２段歌詞，完全係我心入面既感受∼
ｐ．ｓ．我知你唔會入我個ｂｌｏｇ，所以先會打呢篇日記∼ |
