今朝仲凍過尋日..凍到我唔想起身...但係都要起身..

唔捨得張床..行路行到成隻龜咁..縮埋一舊..今日著左3件3..

都係咁凍..今日帶出面d褸..不過我唔係著...扮下野..呵呵呵呵..

好彩今日唔洗集隊..如果唔係成校都凍死晒係個操場到..

之後睇個d唔知咩黎..睇完上堂..兩堂世史..小測呀要..

寫左好多字..不過我諗都錯晒架喇..肯定冇題岩..呵呵呵呵..

死梗..之後上左堂英文..小息凍到痴線..一出門口d風係咁吹埋黎..

即刻入返去..成個小息同LUNCH都係班房...上會堂會計又上EC0N..

勁悶囉..傾左D聖誕D野..鄧波鐘..之後LUNCH食野..

食完野拿拿臨上班房LU..去左牙婷班房..去左借書..

之後係班房傾計..我係到睇報紙..聽到個亂毛仆街話同學紮返邊咁講..

冇睇佢同邊個講啦...之後楚玉話佢紮左架喇..我望一望佢..

原來佢同我講..之後我話盲架...勁串咁同佢講..珊珊佢地係到笑..

我又串佢...同學..唔好帶假髮..之後佢好瘀咁走左..

死臭皮怪..未睇清楚咁鬧人...如果佢比紙我寫肯定重瘀..

最衰佢唔比..冇野玩..佢比紙我寫投訴佢...呵呵呵呵..諗起都心涼..

LUNCH完左上中史同數學..好快咁上完兩堂...等埋牙婷佢地..

之後就快速咁走喇..今日撘車返屋企..返到去4點半都未夠..

勁快..跟住又食M記..食完玩電腦..又同映彰賢仔ICQ..

跟住打埋日記喇...聽日係SPORT DAY喇..兩日之後放3日假..

好野..可能又同芷盈出去玩...我好朋友呀...笠笠..