今日七點幾起咗身諗住刷牙，又見到老豆用緊個洗手間就訓多一陣先，再起身個
時又見到阿媽整緊野，岩岩湯蕉又打大黎話唔打，順便打ma比肥趙叫佢，跟住打
到過去佢又未訓醒我又未整得野咁就轉咗九點鐘先打，咁八點幾就出咗門口，去
無人咁自己就係到練波，過咗十分鐘到佢先黎到，之後十點半就同石家琪打，點
知佢黎到不過睇唔到我地，咁我就去追住叫佢lo點知去到佢巳經唔係到仲連影都
唔見，我地一路打一路等打到十一點唔打就番屋企la，番到屋企就沖涼先，之後
就睇初哥哥，睇完就開電腦玩個時肥趙就打黎話現家黎，黎到佢就煮飯比我食，
跟住咗一齊做暑期作業，但係佢都唔係做ge只係識得玩同食野，之後又見到斜對
面個隻狗就同佢玩仲入ma我屋企，到咗五點半佢就走la，之後家姐就番黎到咗六
點幾就沖涼，七點幾就食飯再睇咗一陣電視，睇睇吓屋企就跳咗一吓線，部電腦
又要重新開過，開唔係一個問題但係佢竟然上唔到網，又未打日記唯有打係個記
事本個到，聽日先copy番上去，今晚係咁落雨落得超大要發出黃雨警告仲好鬼大
風吹到D樹簡直係90度鞠躬咁正。
|
