尋晚8點幾落左樓下打波，好多人呀，我見到多多同埋ｄ　ｆｄ，跟住我地去踩人場，

我同一個讀樂道中4既人一隊，TEAM work！！打得好勁呀＞＜

我地打全場，打３０分，佢同我一樣高，不過佢跳得高過我既．．佢算ｏｋ勁啦，唔算好勁果隻．．

佢入左２０分，我入左１０分，其他人冇入波咁制，我同樂道果個打哂．．．

我尋日著左件紅色衫，背面有條枯髏骨既，所以佢叫我做枯樓骨，，個名好怪＝３＝

跟住就贏左啦，我地就罷左個場黎打啦，

點知中４個條友話同我鬥插花．．因為佢見到我可以倒後行黎插花插足成個場呀嘛，

之後佢叫我用插花黎過佢，我一開頭插左２下快既，跟住就諗住用速度過佢啦，不過都係唔得，

因為佢大隻過我，好難過到佢＝＝多仔ｄ人圍住我地睇我地鬥喎，

跟住我再試多次啦，都係唔掂，之後到佢過我，

佢狂插花，之後又用速度過我，我用心口頂住佢，諗住頂到佢返轉頭架嘛，

不過佢真係大隻過我，我真係「頂佢唔順」囉．．．＝３＝

跟住１１點度就返屋企喇，下個禮拜有社籃，不過中５果班人話唔返黎打，

即係我實打到正選啦，不過我同紅社果ｄ人唔係咁熟，相打正選既話人際關系仲重要過實力．．．

世界係咁現實架喇，幾好波都未必打到正選．．．不過我會盡力，我而家真係覺得鐘境隆好勁囉，

特別係３　ｐｏｉｎｔ，佢真係射得好準．．．

今日諗住去睇龍船，之後打波，不過落雨，所以冇去，唯有留係屋企訓多陣啦，

因為尋晚２點鐘起左身睇波睇到５點，．．．好眼訓，但係又唔知點解訓唔著喎，

而家逼住要打電腦．．．好悶呀！！好想打波