今日真係有d驚訝同不安....一番到學校..突然聽到校長話要去見我地全體人...我地都有小小驚訝...因為佢好日都吾會係平時番學日子黎見我地全體..肯定有事發生啦....果然........

  原本我認為我學校吾錯...係d低form兀皮小小同有小小人細鬼大...但係估吾到會咁離譜...據聞..form1既人既然用手機去偷拍老師裙底..好驚訝囉..估吾到d低form咁大膽...雖然我地學校係男校..但係都吾洗咁呀麻...我地校長同我地講野個陣全程黑面...仲首度發脾氣...可想而知呢件事有幾嚴重...d form1真係吾知發生左之後有幾嚴重...自己一來會受到應有既處罰...二來d女老師都會受到傷害...唉...貪一時開心搞到咁累人累己...值得咩??最後校長叫我地纖悔.......

 我食晏個陣...去買野飲...有一個我識既form1係我隔離...佢冇啦啦問我..."你有冇呀?"我答"有咩呀?"佢又問.."你有冇姐??"我又答..."有冇咩呀...講清楚d啦!!"...佢答"乜你咁蠢架...我問緊你有冇女老師"個d"相呀??"...我答"緊係冇啦大佬- -!"佢問..."咁你要5要...我有wo!"我心諤言...我最尾冇要到啦緊係...但係我真係心諗...點解而家d低form會咁樣?聽人講有form1仲話賣比d高form要錢...低form既同學呀..你地諗緊d咩?影左好威咩...?仲要賣....?你地都吾理後果!!

求主能夠令新一代既心更純潔!......