頭先响網上睇到一篇野,佢既內容係有關經典既野,包括100首經典既金曲,50部經典既電視劇集,25部經典既電影,50樣經典小食......總之係有關香港經典既野啦!!

依家回想起自己都可以成為一個既經典,我相信我可以破圓玄三中既學校記錄,諗番起都覺得慚愧,呢個記錄我估除左我都好難再有人破到架喇,呢個係我契姐同我講番,呢個經典佢同我講,話佢每次經過我班房門口,透過玻璃窗望到我只會做一樣野,而且呢樣野左好多次都係咁,呢樣野就係>>瞓!瞓!瞓!<<佢唔講我都唔知我係咁利害架,佢話佢上三堂Econ,每次經過我都係做緊同一個既動作,仲要話係唔會郁架wow,好似死左咁,郁都唔郁下咁,而且仲要係咩堂都可以做到同一個動作,我信如果果日冇中文堂既話,我可以由第一堂瞓到小息,小息之後瞓到Lunch , Lunch之後瞓到放學都仲得呀!

依家咁諗起,真係好對唔住D老師呀,仲要好多謝佢地教左我咁耐,包容左我咁耐,有我呢個學生真係激死十次都唔夠激呀,呢d老師包括有麥子,招積,大雄,禽獸,淑美,ms hui,肥龍老豆,貓頭鷹,源植大師,long long,仲有好多架,,,,不能盡錄,,,,,總之响呢度向我教過我既老師講聲對唔住!!!!!

咁樣計下計下,出左黎做野都差唔多已經1年,轉左2間公司,依家呢間公司仲要Shift Duty,姐係24小時輪更工作,只不過要捱夜工作姐,都唔係一件難事姐,亦對於依家既我黎冇所謂啦,都係打份工姐,做下職業打工仔都唔錯架,哈哈!!又有錢搵,又可以識到唔同既人,一舉幾得!!!唔錯唔錯~~

如果YY3既學生都唔知我係邊個,你可以問下d老師,S.4C~S5C(2004~2006)果年既學生邊個瞓得好勁果個,佢地一定會答係XXX.