今日小息去左搵人傾計,行去隔離班房果時,羅sir經過,無啦啦叫停我,

之後佢就問我得唔得閒,

心諗唔會係放學幫手整緊瓜,但個口快過個腦答得閒....

點知佢同我講做唔做綠社幹事,

心諗嘩正呀,

因為社際幹事係最唔洗點做野又最多分加既職(我係好現實既人keke~),

咁咁係話ok無問題啦@v@,

睇黎今年會有唔少分加haha....

今日無咩特別野,諗唔到有其他野寫....

但發覺唔經唔覺都係彩天讀左4年

經過4年,我發覺我地學校d老師好勁,每一年d新老師都好勁......                       

點解咁講 睇落去就知XD...

以教我過我d老師為例.....

陳sir(飛機陳):唔好睇佢成日笑笑口,其實笑裡藏刀,有咩e郁就罰抄書,耐左唔交就扣分(佢有時都會失憶唔記得罰人抄無收到XD),

最白痴就係有次有人叫左佢花名,姐係飛機陳 比佢聽到

佢要個人對住我地全班續個續個自摑十下,打到要拍拍聲,個人最後打到自己紅晒.....(勁.....恐怖)

黎sir(彩虹施丹):佢叫彩虹C丹係因個頭似足C丹,重好反光XD)

佢係音樂呀sir,成日上上下堂搞下笑,但係唔好比佢呃到,你上堂嘈/搞事既話就會佢就會變臉,用FCFDSY(罰抄罰到手硬),

但佢足球唔知掂嘔掂,但係佢打藍球可以一個施丹轉身射個3分球......(勁....好波)

張sir(AOE):佢花名係係上年得黎,佢第一堂同我地吹水吹到玩aoe(佢睇呀哥玩),自似就比人叫AOE

佢暗串人既技術去到高深境界,學校入面無邊個夠膽串d個呀sir,串佢姐係自尋短見,簡單d姐係傻仔先會串佢XD

如果明串你既話,你會比佢串到無聲出....串爆!?....(勁.....串)

Miss侯(資深長老):佢係學校做左廿幾年既美術老師,

講到暗串....

佢認第二無人敢認第一.....佢果隻串係包含中國文化、智慧、有刺、風趣等等於一身,好有功架....

佢既串功去到無我境界,一串你就會比佢高深到有時係你唔發覺既情況下串爆到無聽出至無奈....

佢暗串人都有用到歷史,中史等既事....真係.....(勁....有學識)

寫住咁多先XD.....(待續)

今日遲左出門口....好彩都係打鐘前5分鐘返到學校@v@ 呼....

唉...第一日正式上堂就有功課做....有無搞錯.....

最可怕就係上C.L時,呀sir話要係3/4月到考評就會出題目比我地做個網站同要交成最少30頁既報告書,話拎黎做校本評核wo,會佔會

考電腦20%....(30頁只係拎到合格分,想拎A要70頁~"~....網站只係佔3%.....報告書先係17= =" )

唉...死期到....有排做都似......

放學之後,去左食lunch之後番返去學校,因2:30要去個學校搞既workshop話可以提升學習技能CC

個workshop我覺得幾好,真係好有用80蚊就有4堂,我上左一堂就覺得學左好多野,有效咁教我解決學習困難,個導師又多用活動教

學唔會覺得好悶,重幾好玩tim哈哈~

返到屋企飲左杯奶之後唔知點解無啦啦肚痾..痾左2次好返d...唔通枝奶咁快變質...開左2咋wo,10號先過期....

次次飲親含奶類既野都好似玩緊15/16, 15)肚痾 16)無事......好似重係梅花間竹咁中招.....

今日係返學既第2日,重未如常上堂,

返去上半段係班務,下半段就去hall到聽訓導主任主持既訓導講座,

今日7點9返到去學校,D F.1仔仍然係塞晒係門口...唉...DD唔通係本校F.1仔既天性....

今朝係屋企無食到早餐,返到去買左個腿蛋治加盒陽檸,咁就用左我10蚊~"~

打鐘之後因落雨,唔洗企係操場比校長超渡(校長:唔通連個天都唔鍾意我?)

我地就上左課室早會,

早會之後搞左一大輪班務之後,

呀sir就叫左我同2個人去拎手冊....42本手冊姐,都要3個人去.....

最後個同學一個人拎晒d手冊,我陣係簽收左,拎外果個變左開門仔幫手開門....

返到班房,拎手冊個人同呀sir講會唔會小材大作左d,呀sir都笑笑口無野講XD

小息之後,我地就去左hall道,

個講座一開始就播"鐵窗邊緣",播完之後又up一大輪道理,

之後就講訓導處今年發出既規則,

最搞笑係訓導主任講緊唔可以帶貴重物品時.

佢講左個例子好好笑.....(下面係佢講既野既案件重演)

----------------------------------------------------------------------------------

好耐之前有個學生,佢唔見左個書包

學生:呀sir我唔見左個袋

訓導:咁個袋入面有無其他野?

學生:無呀

訓導:算啦袋一個,又無其他野

學生:唔得呀

訓導:點解?

學生:個袋值2千蚊ga

----------------------------------------------------------------------------------------

我聽左之後覺得勁搞笑 佢帶個2千蚊返學做咩,抵佢比人偷.....

重有訓導講到不可帶電話/mp3等物品果時,

有個F.5傻仔十下十下 懶威咁拎左部W600i而為無人睇到,

點知比佢班主任睇到收鬼左交左比訓導,勁好笑

又一抵死之人XD

----------------------------------------------------------------------------------------------------------------------------------------

岩岩補完習....F.4,F.5夾埋一班先得9個人......

個呀sir流流地 手字重樣衰過我....

講野又"口嫉嫉"唔多pro....

我d fd同我細細聲講,會唔會入錯課室,個呀sir似教小一多d.....

唉....個個都有d後悔....點解唔轉補習社.....(講就咁講,但唔多想轉= =")

今日係星期六姐,

但係匯豐開得2個櫃位,

銀行都應該要係開學後果日開多幾個櫃位比人入數,

唔洗搞到打晒蛇餅,

排勁耐都未入到數,

搞到呀媽勁耐先買到早餐返黎T.T

------------------------------------------------------------------------------------------------------------------------------------------

今日下午無聊聊開電視諗住睇下卡通片,

點知播香港甲組......

嘩! 香港甲組足球果然勁.....成日越位射高唔再講,

龍門大掉竟然可以甩手差d出界,

隊員交波似足打假波,

鍋鍋傳左比對方波員,

而接波果個無點郁就拎到個球......

唉...好心唔好係香港大球場踢.....

外國甲組賽座無虛席,

香港甲組成場得唔夠50人咁滯.......

重要坐散晒好似無人睇咁=.="

香港足球.....睇黎就絕種啦....