!!清潔泥面膜大比拼!!Kiehl's白泥VS Borghese綠泥
Li幾日都夏日炎炎, 尋日仲成35度, 真係一出街就焗到成身汗, 而我自己塊面都因為個天氣咁熱而係咁出油, 個妝溶不特止, 仲要成面油林林, 攪到成日要用紙巾印塊面, 場面都好embarrassed, 所以一到夏天, 我就經常會用下清潔面膜, 希望減少油份既分泌.
講之前, 我都想解釋一下, 點解泥li樣物質可以吸到我地面上既污jo野! 其實係因為泥本身乾既特性, 一有流質既野, 佢都可以吸住, 所以查左上面之後, 你面上既油份, 水份, 老死角質都會好輕易比佢吸走, 但切勿超時, 如果唔係佢就會連你面部既水份都吸走埋, 到時塊面就會變得超乾!!!
其實市面上最出名最多人用既清潔泥都係Kiehl's白泥同Borghese綠泥, 好多人都問我究竟邊隻好d, 今日我就同大家做下個TEST, 睇下究竟邊隻win!!
|
1)亞瑪遜白泥毛孔深層清潔面膜
HK$210/142g
- 有助深層清除污垢及積聚於皮膚表面的老化角質， 暢通毛孔； 令皮膚回復亮麗， 令毛孔更細緻。
- 每星期使用一至兩次， 於潔面後敷上， 待面膜變乾後(約5-8分鐘)再以清水及濕毛巾徹底清洗便可， 用法簡單。
- 榮獲 JESSICA 及 ME! 雜誌的控油及深層清潔獎項。
|
|
評論: kiehl's li隻白泥, 味道基本上係冇, 如果怕敏感既都可以放心地相信佢係冇香料. 而大家都可以見到佢係呈灰色, 因為kiehls話係li隻巴西神奇黏土自身既顏色, 個texture係烯同軟身, 有d似以前讀書art堂D顏料, 所以查上面係好易推, 而你會發現查開既時候會感覺到佢有D好細好細既粒粒, 好似D紙巾粒咁, 亦都係佢本身既泥土粒子, ,但因為佢本身質地烯身, 所以要查到標準(即睇唔到膚色)都要查兩層先得, 相對黎講量就會用多左. 查左之後面唔知點解會感覺到有D吉吉地, 但都只係好輕微, 我諗應該係正常. 過左大概5分中, 我就已經可以感覺到有d乾乾地, 係li個時候就應該要洗左佢, 因為防止個泥倒吸返你塊面d水份. 所以一定要準時洗! 之前就係有個朋友過左時先洗, 塊面乾到呀媽都唔認得. 洗kiehls白泥, 我可以好輕易就用水洗走, 完全唔洗預先用紙巾抹, 係幾方便.
|
|
2)美膚泥槳 (新柔潤配方)
HK$450/500g
-礦物維他精華「活水」專利配方舒緩及平衡皮膚水分
-蘆薈啫喱、燕麥蛋白、芒果奶油修補乾燥皮膚，增加水分和減退細紋
-綠茶、橄欖、甘菊油—具舒緩功效，重現肌膚明亮光彩
-維生素E、紅花、西柚油—保護皮膚免受環境傷害，使肌膚柔軟嫩滑
|
|
評論:因為我自己本身係混合性皮膚,面乾但鼻油, 我聽人講隻綠泥會好乾, 就唔想冒險, 始於我塊面大部份範圍都係乾又易敏感, 所以我就買左borghese li隻淺綠色柔潤配方既泥(如果sis係油性或有暗瘡既就可以用深綠色既泥). 味道方面, 佢有一陣輕微辛辣既香檸味, 好特別, 而且淺綠既顏色都幾討好. li隻標榜係意大利既深海泥, 質地好creamy, 好似d cream狀既芝士, 所以查上面時, 都要用d力推開, 但佢既覆蓋度好高, 少少就已經足夠查哂塊面, 而且佢一罐大既真係可以用幾年, 我個個用左成年都仲有好多=.='', 所以成日都敷, 希望快d用完... (但要注意, 泥面膜一星期只可用1至2次) 同樣情況, 雖然li個泥都有輕微吉吉地面既感覺, 但就會''興''d. 我li個borghese就可以敷耐d, 因為係淺綠色柔潤配方, 敷左10分鐘都唔覺乾, 但borghese深綠色個個泥就一定要3-4分鐘就洗. li個清潔前一定要先用紙巾抹走先, 因為佢係cream狀, 都好啜面下, 紙巾抹完都仲要用水洗一陣先乾淨!
|
Kiehls Borghese
各位sis, 如果有時間, 可以係敷之前, 用蒸氣蒸下塊面, 打開左毛孔先!(切記小心燙傷!!!)同埋記得敷完泥mask要敷返個保濕面膜收返毛孔呀!
Kiehls個邊既毛孔好似細d同埋冇咁反光, 但Borghese個邊柔軟度同平滑度就高左D. 大家其實都可以減少到油份分泌, 但borghese價錢平, 又同時有柔軟皮膚既功能, 我都係會選擇Borghese! 平靚正!
|
