Marilyna
marilyna
暱稱: Marilyna
性別: 女
國家: 香港
地區: 屯門區
« June 2017 »
SMTWTFS
123
45678910
11121314151617
18192021222324
252627282930
最新文章
本身都唔想打, 但越諗...
○◕‿◕ ●比你地見識...
【10分鐘自拍短片】終...
【平靚正】40零蚊1支髮...
【流哂口水】NUXE x S...
文章分類
全部 (51)
訪客留言
Cialis Gener... (Chassype)
Cytotec En P... (Chassype)
40 For $99 ... (Chassype)
Overnight Se... (Chassype)
Generic Prop... (Chassype)
每月文章
日誌訂閱
尚未訂閱任何日誌
好友名單
尚無任何好友
網站連結
尚無任何連結
最近訪客
最近沒有訪客
日誌統計
文章總數: 51
留言總數: 7
今日人氣: 1
累積人氣: 2251
站內搜尋
RSS 訂閱
RSS Feed
2011 年 10 月 11 日  星期二   晴天


【真心講真相】率先試用Bourjois 360度極速豐盈完美睫毛液 ~詳盡~有片~大量圖~ 分類: 未分類

 好開心第一次比Ztyle抽中試用產品, 係LI度多謝Ztyle!! 但我都一定會真心向各位SIS報告產品既好與壞.

LI支最新既Bourjois極速豐盈完美睫毛液我對個設計同心思其實都好有好感以往要用電既睫毛膏都係就咁震但就好易會震到d睫毛痴埋哂一舊舊所以我都唔太中意用電既睫毛膏li支就好唔同官方資料就唔多講la, 我地一齊去睇下試用如何:

Bourjois 極速豐盈完美睫毛液 (HK$198)

 

 

我打開左最尾個度, 係有粒電池, 但粒電池羅極都羅唔到出黎>< 如果冇電可以換就好la 

 


 

個人覺得個掃頭大左d, 所以掃下睫毛好易失手, 又搽得唔夠濃密!!

 

 

 

 

係試用Bourjois睫毛液之前, 我先用我最愛既吉之島$10睫毛夾(按)夾起d睫毛先!! 

按此看片!!!

有冇sis識點樣直接post個vedio出黎同轉返直佢??


經過反覆既嘗試, 我發現眼睫毛就推前個制, 下眼睫毛就推後個制, 先搽到根根分明, 如果相反就會全部痴埋哂一舊野. 

 

佢既增長效果做得好好!! 會長左好多!! 

 

 

 

另外因為佢個睫毛膏都幾稀, 定型力好一般, 上面張相已經係夾完之後即刻影, 過左約半小時就會跌返我平時睫毛倒生既情況, 如果sis你睫毛係本身曲就會好好睇.

 

睫毛膏係唔防水的, 所以如果sis你隻眼成日出油, or成日出眼水就唔係咁好, 我眼皮好少油所以冇溶既情況. 但好處係卸妝好輕鬆, 好快就卸哂!

 

 

 

之前我都寫過一篇關於睫毛既文, 大家都可以睇下:

 


 

史上最強睫毛夾竟然係JUSCO$10蚊店搵到!!好用過百幾蚊SHISEIDO睫毛夾!

 

好文回顧:

 

SK-II攪到我生雀斑!!(必睇雷品)

【超嘔心、飯前勿看】監生攪碎曱甴當面膜敷!!‵有圖′

♥浮腫亞洲單眼皮->深淵歐美雙眼皮♥ ,$9雙眼皮貼打造完美震撼性雙眼皮 !!

 

不喜歡。BODY SHOP。產品好重香料味>。<次次經過都覺得好攻鼻...

!!清潔泥面膜大比拼!!Kiehl's白泥VS Borghese綠泥 (超詳盡!)



【超嘔心、飯前勿看】監生攪碎曱甴當面膜敷!!‵有圖′ 分類: 未分類

 之前無記以查證網路謠言為題材的節目《一網打盡》,本家是相當支持的。雖然節目已經完結,但精神本家將會延續!
現代的護膚產品可謂日新月異,綽頭賣點都層出不同,看得眼花撩亂!

今日本家將介紹一種全新的生物護膚技術,當各位有足夠的心理準備才拉下去看!

以下片轉載自某討論區,標題是「南韓號稱最新護膚技術」。把小強挍成肉碎後,再使用其豐富的蛋白質作護膚方法,看來異常變態!但某程又有一定根據,首要條件小強要人工養殖,不然隨便找回來的肯定髒死了!

不知各位看法如何?相關科學考據下回待續!

後記:提起小強,原來一隻小強就算被斬掉首級,都能活上一星期時間!而且死因亦非因身受重傷而死,只不過頭顱被劈掉後無沒嘴吃不到東西而餓死!生命力如此頑強的東西,難免被認定是人類滅亡後,下一代的地球霸者。


注意!注意!注意!注意!注意!注意!注意!

警告!警告!警告!警告!警告!警告!警告!

 

以下圖片可能令人情緒不安!
 
 
進食前後請勿觀看!
 
 
 




























好文回顧:

SK-II攪到我生雀斑!!(必睇雷品)

♥浮腫亞洲單眼皮->深淵歐美雙眼皮♥ ,$9雙眼皮貼打造完美震撼性雙眼皮 !!

不喜歡。BODY SHOP。產品好重香料味>。<次次經過都覺得好攻鼻...

!!清潔泥面膜大比拼!!Kiehl's白泥VS Borghese綠泥 (超詳盡!)

史上最強睫毛夾竟然係JUSCO$10蚊店搵到!!好用過百幾蚊SHISEIDO睫毛夾!!

@o@唔係呀嘛?!唔搽防曬你都夠膽死出街?!

 

 

 

cheap爆美容院!!服務差!!hard sell!!小心小心!!



不喜歡。BODY SHOP。產品好重香料味>。<次次經過都覺得好攻鼻... 分類: 未分類

 唔知各位SIS有冇同感,次次經過BODY SHOP都有D想咳。可想而知佢既香料係幾咁重!陣味濃到好似賣香薰個d鋪頭咁, 遠遠都已經聞到. 其實香料絕對對皮膚係零好處, 成日用遲早出斑!! 唔知sis們對li個牌子又有乜感想?? 係我個人問題定係其實大家都係咁覺得?


話說早前BODY SHOP有紫蘇水份美白精華素試用活動,雖然一直對BODY SHOP都冇乜太大好感,但唔洗錢咪羅包sample試下囉!
紫蘇水份美白精華素
容量 : 30 毫升
售價 : HK$ 329

就係li支! 質地都好流質狀. 搽上塊面唔知點解覺得有d沙, 攪到塊面好唔舒服, 應該係個紫蘇葉既成份.

而重點係個陣味好難頂, 勁奇怪地唔知係d咩味, 怪到都唔識形容, 好似有d中藥味咁, 搽左上塊面都仲有個陣味... 難聞都算, 香料li樣野其實好傷皮膚, 少則令到你敏感, 大則香料係會令人生雀斑!! 大家有得選擇都盡量唔好用有香料既產品la!!

最後, 講真, li支野都唔算平, 300幾蚊30ml其實有好多其他選擇, 比我就一定唔會買香料咁重既產品.!!
 



♥浮腫亞洲單眼皮->深淵歐美雙眼皮♥ ,$9雙眼皮貼打造完美震撼性雙眼皮 !! 分類: 未分類

 浮腫亞洲單眼皮->深淵歐美雙眼皮 $9雙眼皮貼打造完美震撼性雙眼皮 !!

從小眼皮極腫既我一直都好羨慕外國人深淵既眼睛睇到外國D明星D眼都好想要所以由細到大都一直醉心研究外國人既眼皮結構youtube日睇夜睇後來終於比我發現個精粹所在就係個雙眼皮雙眼皮越深就越似鬼妹當我知道後日日都搜尋世界上最好既雙眼皮貼但多數都成日串崩唔係勁反光就係成日痴唔實試過有一次樣衰到返緊工既時候條雙眼皮貼成條彈左出黎我老細話我痴乜鬼雙眼皮呀你我個刻真係想無地自容...>.< 後來又試過羽翹介紹既雙面雙眼皮貼個隻都好好用但因為痴力太強勁次次返到屋企搣落黎都好大力好痛最重要既係成日咁樣搣法眼皮好快就會鬆所以久唔久先會用一次

 

上次發現屋企已經冇哂雙眼皮貼情急之下去左SASA見到全部都要廿幾蚊但零零舍舍有包$9, 仲要得返1我見咁抵咪買黎試下最多都係蝕9蚊姐..

就係LI入面仲共有330返到屋企我即刻試我貼左上去個刻真係好感動因為佢係我用過咁多咁多既雙眼皮貼當中最自然最隱形既一種!! 就算你合埋眼都唔發覺你痴左!!

大家見唔見到條雙眼皮貼好隱形呢!  其實SIS們要注意貼雙眼皮都有好大既學問一定要跟到足d步驟先會痴得靚:首先要戚高條眼眉地合埋眼將雙眼皮貼定住左個眼頭位先之後用少少力扯行條雙眼皮貼一野貼到眼尾就得嫁la. 貼完之後可以係圖中個4點紅點(淋巴位)用食指頭加以按壓幫助雙眼排水去腫!

 

大家睇下個改變浮腫亞洲單眼皮去到深淵歐美雙眼皮既過程係幾咁令人鼓舞!! 已經用緊第2LI隻雙眼皮貼次次都好易handle, 好自然冇人發現而且而家出街都成日比人問我係咪MIX, 狂問我呀爸呀媽係咩人係咪自己MIX左都唔知我每次聽到成個人都會飄飄然仲好聽過人地話我靚~~!! 我真係好多謝li包雙眼皮貼令我從生!! 我愛你!! 


Marilyna開始左寫blog冇幾耐如果大家都喜歡marilyna寫既文的話, 隨便留個言, 推個薦, 我都會很高興的!! 

你的支持=我的動力

 



@o@唔係呀嘛?!唔搽防曬你都夠膽死出街?! 分類: 未分類

 紫外線係引致衰老既元兇!! 防曬首選:平價Za美白防曬!!  ($89/35g)

 

由細到大, 呀媽比我搽既防曬都好lup好厚, 大佬, 夏日炎炎成30幾度, 仲要搽d咁厚既野上塊面, 搽完塊面一達達白左唔單止, 仲因為質地太厚焗都成面都係汗, 成面痴luplup, 所以我由細到大都勁憎搽防曬... 

 

但後來知道原來紫外線偽引致衰老的元兇, 唔搽防曬=搽咩都冇用, 你d斑, 皺紋, 色素, 鬆弛既問題都係因為陽光中既紫外線作怪, 所以你見到d鬼婆成日去曬太陽, 攪到廿幾歲都有皺紋. 自此我就不停上網搵d好既防曬, 一定要清爽又唔好太貴! 最後搵到Sofina同Za, 但Sofina 30ml成300幾蚊, 對我黎講太貴la, 所以試左35g只係$89既Za.

 

我用一次既份量. 白色乳液狀, 質地好稀, 分5點點上面, 好輕易就推開, 而且質地好薄.

 

 

搽完之後, 我最中意佢有輕微調色效果, 塊面會好自然咁白左少少, 係一般防曬做唔到, 連屢獲好評既Sofina都冇li個功能, 所以好多時就咁搽防曬就出街, 連粉底都唔搽! 而且佢係好薄好貼, 30幾度出街都唔會lup, 好岩夏天容易出油既我. 

 

而佢係SPF26 PA++, 講真, 如果你係室內工作就已經好足夠, 睇埋上面個表, SPF26同SPF50所阻隔既UV已經差唔多, 但SPF50既化學成份就會比SPF26多好多, 皮膚成日用SPF40以上就會比D化學成份傷害嫁LA!!

P.S. 我已經用緊第3支Za防曬, 由佢以前舊版綠色字用到而家新版桃紅色字, 但我覺得除左貴左10蚊之外, 質地效果都好似差唔多, 有冇sis知道有咩唔同?