Marilyna
marilyna
暱稱: Marilyna
性別: 女
國家: 香港
地區: 屯門區
« September 2018 »
SMTWTFS
1
2345678
9101112131415
16171819202122
23242526272829
30
最新文章
本身都唔想打, 但越諗...
○◕‿◕ ●比你地見識...
【10分鐘自拍短片】終...
【平靚正】40零蚊1支髮...
【流哂口水】NUXE x S...
文章分類
全部 (51)
訪客留言
最近三個月尚無任何留言
每月文章
日誌訂閱
尚未訂閱任何日誌
好友名單
尚無任何好友
網站連結
尚無任何連結
最近訪客
最近沒有訪客
日誌統計
文章總數: 51
留言總數: 7
今日人氣: 1
累積人氣: 2233
站內搜尋
RSS 訂閱
RSS Feed
2011 年 11 月 21 日  星期一   晴天


本身都唔想打, 但越諗越扯火!!! 你地公司D 安排點解會差到咁? 分類: 未分類

 

本身都唔想打, 但越諗越扯火!!! 你地公司D 安排點解會差到咁?

其實開頭都唔想講, 但係見到sis們D留言, 又令我有d憤怒起來...

話說上星期三收到電話話今個星期六被抽中左參加羽翹見面會. 咁因為星期六我表妹1歲生日(買左hk公仔比佢.舊文), 要趕返大陸同表妹食夜晚飯, 如果個會冇乜特別, 我都唔想去.. 

------------

咁個pr就同我講: 機會好難得嫁, 到時羽翹會幫你大改造, 同成班blogger分享扮靚心得!

我問: 咁幾點到幾點?

pr: 2點開始, hmmm... 你預.... 你預4點半度完la...

-----------

我覺得好奇怪, 唔係確定哂時間幾點開始幾點完嫁哂... 咩叫你預4點半度....?

不過anyway, 我係附近返工, 去個場都好方便, 有咩唔對路即閃都應該得...


咁個日我本身放工就返屋企執野返大陸, 但為左去個會就算la, 係尖沙咀食完lunch先上去, (仲要tst d lunch都唔平).

我1:58上到去, 我已經排到去第24號. 已經有好多sis係條走廊通道等緊, 仲要勁奇怪個場係間整容診所...

諗住好快開始, 點知一等就等到2:30先有人出黎講開始.

佢一係唔講, 一講就大家扯火原來今次上黎係羽翹幫自己本新書選拔, 50個人中選2個人出黎...

冇人同我講過... 如果我知道係攪埋d咁既野, 我就唔係黎la...

每一次都係3,4個人入去間整容診所選拔, 其餘個40幾個sis就係條走廊企... 齋企囉!

好多SIS都係突登係好遠既屋佐出黎(粉嶺, 屯門, 東涌都有), 有個著住姊妹裙既SIS都要趕過黎..我就要趕住返大陸...

我真係唔明囉, 你分時段叫D Bblogger上黎咪得囉, 點解要全世界一齊等?

我地個個係度等, 一等就幾個鐘, 我算快, 24號等左2個鐘!

入到去就咁同我地講幾句野就走...! 勁嬲囉! 

後來SIS們留言話佢地40幾50個D等到6點都等唔到走左...!

完全比人賣左豬仔, 昆左黎個''event''! 

還返個星期六比我呀!!!

 

------------------------------------------------------------------------------------------------------------------

 

 

 The Ztyle   BE Certified   Sina   Lady Qooza     
       She.com   Beauty Life   F&B   ELLE
------------------------------------------------------------------------------------------------------------------

 

推一推薦, 留一留言, 我會更努力啊~

Marilyna的電郵: immarilyna@gmail.com



○◕‿◕●比你地見識一下真正既大眼妝●○-- 最近運氣落至低谷... 分類: 未分類

 

○◕‿◕●比你地見識一下真正既大眼妝●○-- 最近運氣落至低谷...

最近marilyna寫文既氣洩左好多, 因為最新個幾篇文都冇乜人睇... 攪到冇心機... 唉... 
而且參加個個活動都冇我份, 大家都好似放棄左我咁... 唉... 
 
在意志消沉既情況下, 係d beauty blog度漫無目的咁遊蕩, 睇到一個好勁既大眼化妝教學...
覺得有趣之際, 好想同sis們分享分享!! 
我發現每一次上beauty blog睇文. 一次驚喜比一次大, 有時睇到d心頭好既blogger真係會興奮...
一張面點可以有咁多既變化? 真係要多多學習先得...
 
使用產品:
好簡單的工具啊...~ 支mascara咁bling既? 邊個牌子嫁?

 

------------------------------------------------------------------------------------------------------------------

 

 

 The Ztyle   BE Certified   Sina   Lady Qooza     
       She.com   Beauty Life   F&B   ELLE
------------------------------------------------------------------------------------------------------------------

 

推一推薦, 留一留言, 我會更努力啊~

Marilyna的電郵: immarilyna@gmail.com



2011 年 11 月 15 日  星期二   晴天


【10分鐘自拍短片】終極 - VS 10合1造型器詳盡教學,不看後悔。 分類: 未分類

 試用左成兩個星期VS既造型器,終於有試用報告啦!因為今次既試用產品好特別,而且使用時需要技巧,所以特別為大家錄拍左一段非常精彩,詳盡既片,希望大家喜歡,而且要記得推薦啊~~

到時記得投我Marilyna一票呀!!! 多謝你地!!! 到時攪返個抽獎答謝返大家既支持la!!

睇片!!

10合1架生齊哂!!! 
個DOVE既精華真係幾好用, 舊文重溫: 

【平靚正】40零蚊1支髮尾精華油, 你值得擁有!!

好pinky!!
我既反手大法, 小心辣親呀!!
 
個技巧就係d頭髮要薄薄地咁.
 
定型既cream... 是企平平地買得嫁la
 
因為我頭髮好短, 曲髮效果一定冇咁好睇, 我之前幫我BB女整個個就靚好多! 大家可以睇返!
 
而且仲有上次EVENT既內容都好精彩!! 大家仲記唔記得呀??
 
最後送上一個我幾喜歡既日本曲髮教學!! 
 

 

推一推薦, 留一留言, 我會更努力啊~

Marilyna的電郵: immarilyna@gmail.com

 

------------------------------------------------------------------------------------------------------------------

 

 



【平靚正】40零蚊1支髮尾精華油, 你值得擁有!! 分類: 未分類

 我頭髮出名係把草因為成日都染佢電佢舊年頭髮差到我都頂唔順一野由腰剪到落耳仔,  傷心之餘同時不繼搵d好既護髮產品.

今次marilyna想介紹一支平野但好野既髮尾精華油比大家只係40零蚊咋!


就係li支la!!! DOVE既保濕精華!! 第一次用已經愛上左佢, 因為我髮尾真係草都冇朋友, 大家唔好以為我染左啡色頭髮, 其實係因為髮尾比我摧毀到由黑色變到啡紅色... 所以我成日都一定要搽D髮尾油防止髮尾飛起. 
Serum保濕精華:
LI支保濕精華質地係油狀, 如果你髮尾有開差或者乾到爆, pump兩pump已經搽哂所有髮尾, 而且佢會吸得好快..! 你髮尾就會柔軟, 同柔順好多. 40零蚊有支精華, 我覺得好抵用囉..! ps唔好搽落頭皮, hi到少少都唔好, 因為咁會導致頭皮好快出油.! 你都唔想成頭油淋淋出街嫁.. 係咪?

Shampoo洗髮乳: 好得意呀個sampoo, 第一次見到洗頭水係閃令令, 而且個texture好流質, 好滑. 係頭髮上面好快就起到泡, 而且沖水個時頭髮滑左好多, 好順, 但頭皮位又唔油, 洗得乾淨!

Conditioner潤髮乳: (for中性頭髮) 如果你係冇咩點整過你d頭髮, 係一d好健康好有光澤既頭髮, 就要li隻護髮素就得嫁la, 質地較希同清爽.! 一家大細都用得!

Treatment Mask輕潤保濕髮膜: (for乾性頭髮) 如果你頭髮係乾乾地, 有染開頭髮, 或者間唔中電髮可以試下佢, 因為佢質地會杰d, 滋潤度都會增加, li隻我用完佢頭髮會滑好多, 吹完頭都會貼服d!

Daily Treatment保濕滋潤乳: (for極乾頭髮) 雖然佢寫住daily, 但係我個人覺得佢質地極滋潤, 仲杰過牙膏...所以我自己就冇日日用, 一星期1-2次到, 但如果你覺得你頭髮已經爛哂, 或者打哂kick, 完全梳唔到, 你都可以日日用既!

最後多謝BE x DOVE比左今次既試用機會我.!

推一推薦, 留一留言, 我會更努力啊~

Marilyna的電郵: immarilyna@gmail.com

------------------------------------------------------------------------------------------------------------------
 The Ztyle   BE Certified   Sina   Lady Qooza     
       She.com   Beauty Life   F&B   ELLE
------------------------------------------------------------------------------------------------------------------

好文即睇:



【流哂口水】NUXE x SASA 新品發佈會- 間野d野食好好味呀~ 分類: 未分類

 今次比sasa選中去NUXE既新品發佈會又再一次鼓勵Marilyna要繼續努力寫文! 因為今次個event真係令我留下深刻印象. 因為個場地真係好靚, 好高級, 好華麗, 令我去到都忍唔住讚嘆左一下. 

然marilyna事先都已經上open rice睇過間餐廳, 見到好評什多, 但都係親身去一次先感受到. (ps間大家樂有d大剎風景...)

講返正題la!!今次介紹既牌子同產品係全法國排第3既skin care品牌, 僅次於avene同la roche posay. 所以知道出席li個牌子, 我自己都好興奮!

 
而為我地講解既係NUXE 既負責人Natasha, 專情由法國飛黎香港講解, 自己有受寵若驚既感覺.

而且佢既英文好重法國口音(唔係好重, 係勁重...), 都幾新鮮... 好彩都聽得明... 

今次既主角: 晶亮瑩肌系列. 左至右有: 滋潤面霜, 清爽面霜, 眼霜, 晚霜.

佢最主要係針對大壓力, 疲倦又受到環境既污染影響既都市女性. 

簡單黎講姐係大家...可以抵抗對我地最大既敵人:自然基. 

原來有好多明星都有用開NUXE既產品. 大家識邊幾個?

我淨係認得出 tyra banks, Johnny depp, kate moss... (我學識少= =)

我話比你聽, 超好味! 杯fruit punch好飲到爆, 我飲左4杯...
係樣樣都勁好味, 非常有水準. 我成碟食完, 但係極度唔夠喉囉... 無奈...
最後, 大家都收到一份試用產品. 有一set旅行裝, 一支清爽面霜, 一支香薰蠟燭. 又係等我試用la!

推一推薦, 留一留言, 我會更努力啊~

Marilyna的電郵: immarilyna@gmail.com

----------------------------------------------------------------------------------------------------------------------
 The Ztyle   BE Certified   Sina   Lady Qooza     
       She.com   Beauty Life   F&B   ELLE
-----------------------------------------------------------------------------------------------------------------------

好文即睇: